میٹروپولیٹن پولیس کی وضاحت کے بعد ایم کیوایم کامیڈیاٹرائل بندہوجاناچاہیے۔ رابطہ کمیٹی ایم کیوایم

کراچی ۔۔۔ 30 جون 2015ء
متحدہ قومی موومنٹ کی رابطہ کمیٹی نے طارق میرکے حوالے سے میٹروپولیٹن پولیس کی وضاحت پر تبصرہ کرتے ہوئے کہاہے کہ پولیس کی اس وضاحت کے بعداصولی طورپراس حوالے سے ایم کیوایم کامیڈیاٹرائل بندہوجاناچاہیے۔ اپنے ایک بیان میں رابطہ کمیٹی نے کہاکہ ایم کیوایم کے مخالفین سوشل میڈیا اور الیکٹرانک میڈیاپر ایم کیوایم کے سینئر رکن طارق میرکا جعلی اورخودساختہ بیان سامنے آنے پر ایم کیوایم کے خلاف بہت زہراگل رہے تھے لیکن آج بی بی سی پر ہی میٹروپولیٹن پولیس کاوضاحتی بیان آگیاہے کہ پاکستان میں میڈیاپرآنے والاطارق میرکامبینہ اعترافی بیان میٹروپولیٹن پولیس کی دستاویز نہیں ہے۔رابطہ کمیٹی نے کہاکہ اب میڈیااورسیاسی مخالفین کو چاہیے کہ وہ ذمہ داری کامظاہرہ کریں اورایم کیوایم کے خلاف اپنی توانائیاں صرف کرنے کے بجائے ملک کودرپیش اصل سنگین مسائل پر توجہ دیں ۔
English