امریکہ میں منعقدہ ’’مسلز‘‘کے مقابلے میں 75کلو گرام کیٹگری میں پہلی پوزیشن حاصل کرکے گولڈ میڈل جیتنے پرکراچی کے غریب و متوسط طبقے کے نوجوان عبد المالک کوجناب الطا ف حسین کی مبارکباد

لندن۔۔۔21، جون2015ء 

متحدہ قومی موومنٹ کے قائد جناب الطاف حسین نے حیدری مارکیٹ کراچی میں خواتین کے پرس بیچنے والے نوجوان عبد المالک کو امریکہ میں منعقدہ ’’مسلز‘‘کے مقابلے میں 75کلو گرام کیٹگری میں پہلی پوزیشن حاصل کرکے گولڈ میڈل جیتنے پر دلی مبارکباد پیش کی ہے ۔ ایک بیان میں انہوں نے کہاکہ کراچی سے تعلق رکھنے والے غریب ومتوسط طبقے سے تعلق رکھنے والے باصلاحیت نوجوان نے اپنی مدد آپ کے تحت مسلز چیمئن شپ ٹرافی میں حصہ لینے کے بعد کامیابی حاصل کرکے پاکستان کا نام دنیا بھر میں روشن کیا ہے ۔انہوں نے کہاکہ عبد المالک نے جس طرح سے محنت اور مشقت کرکے کامیابی حاصل کی ہے اس سے ثابت ہوتا ہے کہ پاکستانی نوجوانوں میں ٹیلنٹ کی کمی نہیں ہے اور انہیں حکومتی سرپرستی فراہم کی جائے تو نوجوان دنیا بھر میں ملک و قوم کا سر فخر سے بلند کرکے نت نئے ریکارڈ قائم کرسکتے ہیں ۔ انہوں نے کہاکہ عبد المالک کا تعلق غریب ومتوسط اور محنت کش طبقے سے ہے اور امریکہ میں مقابلہ جیتنے کے بعد عبد المالک کی حکومتی سطح پر حوصلہ افزائی کی جائے اور انکے ٹیلنٹ کو ملک و قوم کے مفاد میں استعمال کیاجائے ۔جناب الطاف حسین نے عبد المالک کی کامیابی پر ملک بھر کے عوام ، ان کے والدین اور اہل خانہ کو بھی دلی مبارکباد پیش کی۔
English