Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پیپلزپارٹی کے رہنمااورسابق وزیرداخلہ سینیٹررحمن ملک کی لندن میں ایم کیوایم کی رابطہ کمیٹی سے ملاقات


پیپلزپارٹی کے رہنمااورسابق وزیرداخلہ سینیٹررحمن ملک کی لندن میں ایم کیوایم کی رابطہ کمیٹی سے ملاقات
 Posted on: 7/19/2013
پیپلزپارٹی کے رہنمااورسابق وزیرداخلہ سینیٹررحمن ملک کی لندن میں ایم کیوایم کی رابطہ کمیٹی سے ملاقات
ملاقات میں مجموعی سیاسی حالات خصوصاً سندھ کی صورتحال ، ایم کیوایم پیپلزپارٹی تعلقات اورباہمی دلچسپی کے مختلف امورپر تفصیلی تبادلہ ء خیال
سینیٹررحمن ملک نے صدرآصف علی زرداری کی جانب سے جناب الطاف حسین کیلئے خیرسگالی کاپیغام پہنچایااور نیک خواہشات کااظہارکیا
رحمن ملک نے پیپلزپارٹی کی قیادت کی جانب سے ایم کیوایم کوایک بارپھرحکومت میں شمولیت کی دعوت دی 
سندھ میں امن ،استحکام اورجمہوری نظام کے وسیع ترمفادمیں دونوں جماعتوں کوایک دوسرے کے ساتھ تعاون اورملکر کام کرنا چاہیے۔رحمن ملک
ایم کیوایم حکومت میں شامل ہویانہ ہو ملک خصوصاًسندھ میں امن واستحکام ، جمہوریت کے فروغ اورخطہ میں استحکام کیلئے ایم کیوایم اورپیپلزپارٹی کے درمیان بہترتعلقات، باہمی رابطوں اورتعاون کاسلسلہ جاری رہناچاہیے ۔ندیم نصرت
صدارتی انتخاب کے شیڈول پر نظرثانی ہونی چاہیے۔رحمن ملک اورایم کیوایم کے رہنماؤں میں اتفاق
ملاقات میں رابطہ کمیٹی کے ڈپٹی کنوینرندیم نصرت،رابطہ کمیٹی کے ارکان طارق جاوید، کنورنوید، محمدانور،واسع جلیل، محمداشفاق، مصطفےٰ عزیزآبادی اورقاسم علی رضاشریک تھے
لندن ۔۔۔19 جولائی 2013ء
پاکستان پیپلزپارٹی کے وائس پریزیڈینٹ برائے اوورسیزاورسابق وزیرداخلہ سینیٹررحمن ملک نے آج ایم کیوایم انٹرنیشنل سیکریٹریٹ لندن میں ایم کیوایم کی رابطہ کمیٹی کے ارکان سے ملاقات کی ۔ ملاقات میں رابطہ کمیٹی کے ڈپٹی کنوینرندیم نصرت،رابطہ کمیٹی کے ارکان طارق جاوید، کنورنوید، محمدانور، واسع جلیل، محمداشفاق، مصطفےٰ عزیزآبادی اورقاسم علی رضاشریک تھے ۔ سینیٹررحمن ملک نے صدرآصف علی زرداری کی جانب سے جناب الطاف حسین کیلئے خیرسگالی کاپیغام پہنچایااور نیک خواہشات کااظہارکیا ۔انہوں نے ملک اورجمہوری
نظام کے استحکام کیلئے جناب الطاف حسین کے کردارکوسراہا۔ ملاقات میں پاکستان کے مجموعی سیاسی حالات خصوصاً سندھ کی صورتحال ، ایم کیوایم پیپلزپارٹی تعلقات اورباہمی دلچسپی کے مختلف امورپر تفصیلی تبادلہ ء خیال کیا گیا ۔ سینیٹررحمن ملک نے پیپلزپارٹی کی قیادت کی جانب سے ایم کیوایم کوایک بارپھرحکومت میں شمولیت کی دعوت دی اوراس مؤقف کااظہارکیاکہ ایم کیوایم اورپیپلزپارٹی ماضی میں بھی امن واستحکام اورجمہوریت کے فروغ کیلئے ایک ساتھ کام کرچکی ہیں اوراب بھی سندھ میں امن ،استحکام اورجمہوری نظام کے وسیع ترمفادمیں دونوں جماعتوں کوایک دوسرے کے ساتھ تعاون اورملکر کام کرنا چاہیے ۔رابطہ کمیٹی کی جانب سے گفتگوجاری رکھنے پر اتفاق کیاگیااوراس بات کااعادہ کیاگیاکہ ایم کیوایم حکومت میں شامل ہویانہ ہو ملک خصوصاًسندھ میں امن واستحکام ، جمہوریت کے فروغ اورخطہ میں استحکام کیلئے ایم کیوایم اورپیپلزپارٹی کے درمیان بہترتعلقات کیلئے باہمی رابطوں اورتعاون کاسلسلہ جاری رہناچاہیے ۔ ملاقات میں آئندہ صدارتی انتخابات کے موضوع پر بھی گفتگوہوئی اور اس بات پر اتفاق کیاگیاکہ صدارتی انتخاب کے شیڈول پر نظرثانی ہونی چاہیے اورصدارتی انتخاب قومی وصوبائی اسمبلیوں کی نشستوں پرضمنی انتخابات کے بعد منعقدہونے چاہئیں۔رابطہ کمیٹی نے سینیٹررحمن ملک کوانکے صاحبزادے عمر رحمان کے ایکچوریئل سائنسز میں گریجویشن کرنے پرقائدتحریک الطاف حسین کی جانب سے مبارکباد پیش کی اوران کیلئے نیک تمناؤں کااظہارکیا۔ 



12/2/2016 4:20:08 PM