خدمت خلق فاؤنڈیشن کی جانب سے بلدیہ ٹاؤن میں لیاری سے نقل مکانی کرنے والے کچھی برادری کے افراد میں امدادی سامان کی تقسیم
رکن رابطہ کمیٹی یوسف شاہوانی، حق پرست رکن قومی اسمبلی خواجہ سہیل منصور نے امدادی سامان تقسیم کیا
متحدہ قومی موومنٹ کے فلاحی ادارے خدمت خلق فاؤنڈیشن کے زیرا ہتمام پیرکوبلدیہ کے علاقے میں لیاری میں جاری دہشت گردی اور بدامنی کے باعث نقل مکانی کرنے والے کچھی برادری کے سینکڑوں خاندان میں امدادی سامان تقسیم کیا گیا ہے۔ امدادی سامان ایم کیوایم کی رابطہ کمیٹی کے رکن یوسف شاہوانی نے تقسیم کیاجس میں کھجور ،پانی کی بوتل، خشک دودھ، گھی ، تیل دالیں، چاول اور چینی کے علاوہ روزمرہ کی دیگراشیاء شامل ہیں۔ اس مو قع پر حق پرست رکن قومی اسمبلی خواجہ سہیل منصور ، علاقائی یونٹ سیکٹر کے ذمہ داران و کارکنان بڑی تعداد میں موجود تھے ۔ اس مو قع پر ایم کیوایم کی رابطہ کمیٹی کے رکن یوسف شاہوانی نے متاثرین سے گفتگو کر تے ہوئے کہاکہ ایم کیوایم اور قائد تحریک جناب الطاف حسین سیاست برائے خدمت پر یقین رکھتی ہے اوردکھی انسانیت کی بے لوث خدمت ہی ایم کیوایم کانصیب العین ہے ۔انہوں نے کہاکہ کچھی برادری سے اظہاریکجہتی وہمدردی کرتے ہوئے انہیںیقین دلایاکہ ایم کیوایم ان کے ساتھ ہے اورکسی صورت انہیں تنہاء نہیں چھوڑے گی۔اس موقع پر کچھی برادری کے متاثرین نے قائد تحریک جناب الطاف حسین کی جانب سے امدادکی فراہمی پر اظہار تشکر کیا اور ان کی درازی عمر، صحت و تندرستی اور نا گہانی آفات سے بچاؤ کیلئے خصوصی دعائیں بھی کیں۔
