لیاری سے نقل مکانی کرکے ملیر کھوکھراپار آنے والی کچھی برادری کے متاثرہ خاندانوں کیلئے خدمت خلق فاؤنڈیشن کے تحت طبی و امدادی کیمپ لگایا گیا

تصاویر
کراچی ۔۔۔14، جولائی 2013ء 

متحدہ قومی موومنٹ کے فلاحی ادارے خدمت خلق فاؤنڈیشن کے زیرا ہتمام اتوار کے روز ملیر کھوکھرا پار کے علاقے ای ون ای ٹو ایریا میں طبی و امدادی کیمپ لگایا گیا جس میں لیاری سے بے سرومانی کے عالم میں نقل مکانی کرکے آنے والے کچھی کمیونٹی کے خاندانوں میں غذائی اجناس اور امدادی سامان بھی تقسیم کیا گیا ۔ طبی و امدادی کیمپ میں ایم کیوایم میڈیکل ایڈ کمیٹی کے مختلف امراض کے ماہر ڈاکٹروں اور پیرا میڈیکل اسٹاف نے 1200سے زائد کچھی کمیونٹی کے متاثرہ نوجوانوں ، بزرگوں ، خواتین اور بچوں کا تفصیلی معائنہ کیا اور انہیں بھاری مالیت کی ادویات فراہم کیں ۔طبی و امدادی کیمپ میں ایم کیوایم کی رابطہ کمیٹی کے رکن یوسف شاہوانی ،حق پرست رکن قومی اسمبلی ساجد احمد ، حق پرست رکن سندھ اسمبلی اشفاق منگی نے کچھی برادری کے متاثرہ خاندانوں میں ایک ٹرک پر مشتمل غذائی اجناس اور امدادی سامان تقسیم کیا اور طبی کیمپ میں کچھی کمیونٹی کے متاثرین کو فراہم کی جانے والی طبی سہولیات کا جائزہ بھی لیا ۔ اس موقع پر طبی و امدادی کیمپ سے مستفید ہونے والے کچھی برادری کے متاثرہ نوجوانوں ، بزرگوں ، خواتین اور بچوں نے اپنے جذبات کا اظہار کرتے ہوئے کہا کہ لیاری میں جاری دہشت گردی اور بدامنی کے باعث کچھی برادری کے سینکڑوں خاندان رمضان المبارک کے مقدس مہینے میں بے سرو سامانی کے عالم میں نقل مکانی کرچکے ہیں اور ملیر میں نقل مکانی کرکے آنے والے کچھی برادری کے متاثرین کی جس طرح سے خدمت خلق فاؤنڈیشن کی جانب سے امدادکی گئی ہے اور طبی سہولیات فراہم کی گئیں ہیں اس سے ہمیں اندازہ ہوگیا ہے کہ انسانیت کی خدمت کا عملی جذبہ کون رکھتا ہے ۔ کچھی برادری کے متاثرین نے قائد تحریک جناب الطاف حسین کی درازی عمر ، صحت و تندرستی اور ناگہانی آفات سے بچاؤ کیلئے خصوصی دعائیں بھی کیں ۔