ماہ رمضان المبارک کے موقع پر ایم کیوایم کے قائد جناب الطاف حسین کی رہائشگاہ پر افطار کا اہتمام
تمام شعبہ ہائے زندگی سے وابستہ افراد اور صحافیوں سمیت مختلف مکاتب فکر سے تعلق رکھنے والے ہزاروں افراد نے افطار کیا
کراچی:۔۔۔11 جولائی 2013ء
ہرسال کی طرح امسال بھی جمعرات کویکم رمضان المبارک کے موقع پریکمشت ہزاروں افرادنے متحدہ قومی موومنٹ کے قائدجناب الطاف حسین کی رہائشگاہ المعروف نائن زیرو عزیزآبادمیں افطارکیااوراپنے اپنے مسلک اورعقیدے کے مطابق روزہ کھولا۔ نائن زیروپرافطار کرنے والوں میں اراکین رابطہ کمیٹی ،منتخب حق پرست نمائندے،شعبہ جات کے ارکان ،پبلک سیکریٹریٹ میں ملاقات کیلئے آنیوالے مختلف مکاتب فکرسے تعلق رکھنے والے حق پرست عوام اورمختلف شعبہ ہائے زندگی سے وابستہ افرادکے علاوہ صحافیوں اورمیڈیاکے نمائندوں کی بہت بڑی تعدادشامل تھی۔ واضح رہے کہ متحدہ قومی موومنٹ کے قائدجناب الطاف حسین کی جانب سے ہرسال ماہ رمضان میں نائن زیرو عزیز آباد میں عوام و کارکنان کیلئے افطارکاخصوصی انتظام کیاجاتاہے۔
