جئے سندھ قومی محاذ کے تین رکن وفد کی خورشید بیگم سیکریٹریٹ عزیزآباد میں ایم کیو ایم رابطہ کمیٹی کے اراکین سے ملاقات

کراچی:۔۔9؍ جون 2015ء 

جئے سندھ قومی محاذکے تین رکنی وفد نے مرکزی فنانس سیکریٹری محمد اشرف بہلم کی سربراہی میں منگل کے روز خورشید بیگم سکریٹریٹ عزیزآباد میں ایم کیو ایم رابطہ کمیٹی اراکین عارف خان ایڈوکیٹ ، عظیم فاروقی اور شبیر احمد قائم خانی سے ملاقات کی ۔ وفد میں جسقم کے مرکزی لیبر انچارج شوکت سانبھل اور محمد جمن حمایتی بھی موجود تھے ۔ وفد کے ارکان نے رابطہ کمیٹی کو13؍ جون 2015کو جسقم کے مرحوم چیئرمین عبدالواحد آریسرکے چہلم کے موقع ہونے والے تعزیتی اجتماع میں شرکت کی دعوت دی ۔ایم کیو ایم رابطہ کمیٹی کے ارکان نے وفد کے راکان کا خورشید بیگم سیکریٹریٹ آمد پر ان کا خیر مقدم کیا اور دیہی اور شہری تفریق مٹانے کیلئے جسقم کے مرحوم چیئرمین عبدالواحد آریسر کی خدمات کو سراہا ۔ جسقمم کے وفد کے ارکان نے سندھ کے غریب ہاریوں اور غریب و محکوم عوام کیلئے آواز اٹھانے پر متحدہ قومی موومنٹ کے قائد جناب الطاف حسین اور ایم کیو ایم کا شکریہ ادا کیا ۔وفد کے ارکان نے اراکین رابطہ کمیٹی کمیٹی سے گفتگو کرتے ہوئے کہا کہ سندھ کے شہری اور دیہی عوام اگر متحد ہوجائیں تو سندھ کی ترقی کو کوئی بھی نہیں روک سکتا ۔ رابطہ کمیٹی کے اراکین نے وفد کو خورشید بیگم سیکریٹریٹ آمد پر خوش آمدید کہا اور عبدالواحد آریسر کے چہلم کے موقع پر ہونے والے تعزیتی اجتماع میں ایم کیو ایم کی شرکت کی یقین دہانی کرائی ۔