ایم کیو ایم کے شہید کارکن وسیم دہلوی کی فاتحہ سوئم کا اجتماع انکے گھر پر منعقد ، رابطہ کمیٹی اور کارکنان نے شرکت کی

کراچی ۔۔۔5جون2015ء

متحدہ قومی موومنٹ کے شہید کارکن وسیم دہلوی کے ایصال ثواب کیلئے انکے فاتحہ سوئم کا اجتماع جمعہ کی سہ پہر انکی رہائشگاہ پر منعقدہوا جس میں ایم کیوا یم کی رابطہ کمیٹی کے اراکین عارف خان ایڈوکیٹ اور اسلم آفریدی سمیت کارکنان ، عوام اور شہید کے لواحقین نے بڑی تعداد میں شرکت کرکے ایصال ثواب کیلئے قرآن خوانی اور خصوصی دعا کی ۔واضح رہے کہ وسیم دہلو ی اوران کے دوبھائیوں محمدنعیم دہلوی اور عادل دہلوی کو پیراورمنگل کی درمیانی شب بلدیہ ٹاؤن نمبر 3میں واقعہ ان کے گھرسے گرفتارکرکے نامعلوم مقام پر منتقل کردیااورتھرڈ ڈگری ٹارچرکے نتیجے میں بدھ کی صبح وسیم دہلوی شہید ہوگئے ان کے تین بچے ہیں جن میں چار سالہ بیٹا ناصر، دوسالہ بیٹی زینب اورایک چھ ماہ کا بیٹا سبحان شامل ہیں ۔ وسیم دہلوی شہیدکے سوگواروں میں بیوہ کے ساتھ ساتھ چار بھائی اورتین بہنیں شامل ہیں ۔