ایم کیوایم رابطہ کمیٹی کے انچارج کہف الوریٰ اور اراکین نے شب برات کے موقع پر عزیز آباد اور پاپوش نگر قبرستان جاکر جناب الطا ف حسین کے والدین اور حق پرست شہداء کی قبروں پر حاضری دی اور فاتحہ خوانی کی

کراچی ۔۔۔2، جون 2015ء 

متحدہ قومی موومنٹ کی رابطہ کمیٹی کے انچارج کہف الوریٰ ، اراکین قمر منصور ، عارف خان ایڈووکیٹ اور شبیر احمد قائم خانی نے شب برات کے موقع پر عزیز آباد اور پاپوش نگر قبرستان جاکر قائد تحریک جناب الطاف حسین کے والدین اور حق پرست شہداء کی قبروں پر حاضری دی اور پھولوں کی چادر کی چڑھائی ۔ اس موقع پر ایم کیوایم سینٹرل ایگزیکٹو کمیٹی کے اراکین بھی ان کے ہمراہ تھے ۔ تفصیلات کے مطابق رابطہ کمیٹی کے اراکین نے عزیز آباد کے شہداء قبرستان میں حق پرست شہداء کی قبروں پر حاضری دی جبکہ پاپوش نگر کے قبرستان میں جناب الطاف حسین کے والد محترم نذیر حسین مرحوم ، والدہ محترمہ خورشید بیگم کی قبروں پر حاضری دی اور فاتحہ خوانی کی ۔ 

بعدازاں رابطہ کمیٹی کے اراکین نے شب برات کے موقع پر عزیز آباد ، پاپوش نگر اور شہر کے دیگر قبرستانوں کا دورہ کیا اوراس موقع پر قبرستان آنے والے افراد کیلئے ایم کیوایم اور خدمت خلق فاؤنڈیشن کی جانب سے کئے گئے انتظامات کا جائزہ لیا ۔ رابطہ کمیٹی کے اراکین نے قبرستانوں کے باہر ایم کیوایم اور خدمت خلق فاؤنڈیشن کے تحت لگائے گئے کیمپوں پر بھی گئے اور وہاں خدمات انجام دینے والے رضاکاروں کو قائد تحریک جناب الطاف حسین کی جانب سے زبردست خراج تحسین پیش کیا ۔ایم کیوایم اور خدمت خلق فاؤنڈیشن کے کیمپوں سے قبرستان آنے والے افراد کی بھر پور رہنمائی کی گئی اور انہیں پھولوں کی پتیاں ، اگر بتیاں اور دیگر ضروری سامان بھی فراہم کیا گیا ۔ اس موقع پررابطہ کمیٹی کے اراکین نے قبرستانوں کی گزرگاہوں اور اطراف میں کئے گئے صفائی ستھرائی اور لائٹنگ کے انتظامات بھی دیکھے اور اس ضمن میں مزید ہدایتیں بھی دیں ۔