ایم کیوایم کے تحت 30 مئی 2015ء بروز ہفتہ شام 05 بجے کالا بورڈ ملیر میں ایک بڑا عوامی احتجاجی مظاہرہ کیا جائے گا

کراچی ۔۔۔29مئی2015ء

کراچی میں جاری پانی کے مصنوعی بحران کے خلاف ایم کیوا یم کی جانب سے شہر کے مختلف علاقوں میں عوامی احتجا ج کا سلسلہ تاحال جاری ہے۔شہر بھر میں پانی کی شدیدقلت کے خلاف احتجاجی مظاہروں میں بزرگ ، خواتین ،بچے ، بچیاں ، نوجوان بڑی تعدادمیں شرکت کرکے اپنا احتجاج ریکارڈکروارہے ہیں۔اس سلسلے میں مورخہ30مئی2015ء بروزہفتہ شام05بجے کالا بورڈ ملیرمیں ایم کیوایم کی جانب سے ایک بڑااحتجاجی کیا جائے گا۔واضح رہے کہ صوبائی حکومت، متعلقہ اداروں اور انتظامیہ کی غفلت و نااہلی کے باعث پانی کی مصنوعی قلت کے خلاف ایم کیو ایم کے زیر اہتمام تواتر سے ہونیوالے احتجاجی مظاہرو ں کا سلسلہ 6جون تک جاری رہیے گا اس دوران کراچی کے مختلف علاقوں کے ساتھ ساتھ اندرون سندھ کے دیگر شہروں میں بھی پانی کے بحران کے خلاف ایم کیو ایم کی جانب سے عوامی احتجاج کئے جائیں گے۔