شہری علاقوں میں صفائی ستھرائی کے کاموں سمیت ترقیاتی کاموں کوجاری رکھنے کیلئے بلدیاتی فنڈزفی الفور بحال کیے جائیں،حق پرست ارکان اسمبلی

کراچی ۔۔۔17، جون 2013ء 

حق پرست اراکین سندھ اسمبلی نے سندھ حکومت کی جانب سے شہری حکومتوں کے فنڈزروکنے کی شدیدالفاظ میں مذمت کی ہے اورفنڈزکی عدم فراہمی کے باعث شہری علاقوں میں صفائی ستھرائی کے کام متاثرہونے اوربلدیاتی ملازمین کی تنخواہیں لیٹ ہونے پرتشویش کااظہارکیاہے۔ایک بیان میں اراکین اسمبلی نے کہاکہ سندھ حکومت کی جانب سے شہری حکومتوں کے بلدیاتی فنڈزروکنے سے شہروں میں بلدیاتی کام بری طرح متاثرہیں اورجگہ جگہ گندگی کے ڈھیرجمع ہیں جن سے مختلف بیماریاں پھیلنے کاخدشہ ہے جبکہ فنڈزکی عدم فراہمی کے باعث ترقیاتی کام بھی متاثرہورہے ہیں اوربلدیاتی ملازمین اپنی تنخواہوں کے حصول کیلئے شدیدپریشانی کا شکار ہیں ۔اراکین سندھ اسمبلی نے کہا کہ سندھ حکومت کی جانب سے بلدیاتی اداروں کے فنڈزروکناسراسرناانصافی ہے اورشہری علاقوں کیساتھ سوتیلی ماں کے سلوک کے مترادف ہے جس کامقصدشہری علاقوں کومایوسی اورمحرومیوں کاشکارکرناہے۔حق پرست اراکین سندھ اسمبلی نے گورنرسندھ ڈاکٹرعشرت العباداوروزیراعلیٰ سندھ سیدقائم علی شاہ سے مطالبہ کیاکہ سندھ کے شہری علاقوں میں صفائی ستھرائی کے کاموں سمیت ترقیاتی کاموں کوجاری رکھنے کیلئے بلدیاتی فنڈزفی الفور بحال کیے جائیں اورشہری علاقوں کے ساتھ سوتیلی ماں کاسلوک بندکیاجائے۔