کراچی یونیورسٹی کے رہائشی کیمپس سے ایم کیوایم کے چارکارکنوں اورلیاقت آباداورقصبہ کالونی سے ایم کیوایم کے دوکارکنوں کوگرفتارکرلیاگیا
کراچی آپریشن کے نام پرشہرکے مختلف علاقوں سے ایم کیوایم کے کارکنوں کی گرفتاریوں کاسلسلہ بدستورجاری ہے
ایم کیوایم کے کسی بھی شہید کارکن کے قاتل کوتوگرفتارنہیں کیاگیا لیکن ایم کیوایم کے بے گناہ کارکنوں کوگرفتار کیاجارہاہے
ایم کیوایم کے بے گناہ کارکنوں کی گرفتاریوں کاسلسلہ بندکیاجائے اورگرفتارشدگان کورہاکیاجائے۔رابطہ کمیٹی ایم کیوایم
کراچی ۔۔۔ 20 مئی 2015ء
متحدہ قومی موومنٹ کی رابطہ کمیٹی نے کراچی یونیورسٹی کے رہائشی کیمپس سے ایم کیوایم کے چارکارکنوں کی گرفتاریوں کی شدیدمذمت کی ہے ۔ اپنے ایک بیان میں رابطہ کمیٹی نے کہاکہ کراچی آپریشن کے نام پرشہرکے مختلف علاقوں سے ایم کیوایم کے کارکنوں کی گرفتاریوں کاسلسلہ بدستورجاری ہے۔ گزشتہ رات قانون نافذ کرنے والے ادارے کے اہلکاروں نے کراچی یونیورسٹی کے رہائشی کیمپس میں ایم کیوایم کے کارکنوں کے گھروں پر چھاپے مارے اورمعمار سیکٹر اسکیم 33یونٹ کے کارکنوں شاہد ولد عبدالرشید،ذیشان امین ولد امین الدین،محمدعدنان حبیب اوران کے بھائی فیضان حبیب کوگرفتارکرلیا۔رابطہ کمیٹی نے کہا کہ رینجرزنے لیاقت آباد سے ایم کیوایم کے کارکن عدنان ولدعبدالوحیدکوانکے گھرسے گرفتارکرلیا۔اسی طرح قصبہ علی گڑھ سے ایم کیوایم کے کارکن محمد امجد جمیل ولدمحمدجمیل کوگرفتارکرلیا۔ رابطہ کمیٹی نے ایم کیوایم کے کارکنوں کی گرفتاریوں کی شدیدمذمت کرتے ہوئے کہاکہ اب تک ایم کیوایم کے کسی بھی شہید کارکن کے قاتل کوتوگرفتارنہیں کیاگیا لیکن ایم کیوایم کے بے گناہ کارکنوں کوگرفتار کیاجارہاہے ۔ رابطہ کمیٹی نے مطالبہ کیاکہ ایم کیوایم کے بے گناہ کارکنوں کی گرفتاریوں کاسلسلہ بندکیاجائے اورگرفتارشدگان کورہاکیاجائے۔