ایم کیوایم پی ڈبلیو ڈی ونگ اورایم کیوایم کے ہر دل عزیز کارکن نورالدین بھمانی عرف( منا بھائی)کے انتقال پرجناب الطاف حسین کا اظہار افسوس

لندن۔۔۔16مئی2015ء

متحدہ قومی موومنٹ کے قائد جناب الطاف حسین نے ایم کیوایم پی ڈبلیو پر سن وتھ ڈس ایبلیٹی ڈی ونگ اورایم کیوایم کے ہر دل عزیز کارکن نورالدین بھمانی عرف( منا بھائی)کے انتقال پر گہرے دکھ و افسوس کا اظہار کیا ہے ۔ ایک تعزیتی بیان میں جناب الطاف حسین نے کہاکہ نور الدین بھمانی عرف( منا بھائی)کی پی ڈبلیو ڈی ونگ اور ملک بھر کے معذورر افراد کیلئے خدمات پر شاندار خراج تحسین پیش کر تے ہیں۔ انہوں نے کہاکہ نور الدین بھمانی عزم وہمت کا پیکر تھے جنہوں نے اسٹیچر پرہوتے ہوئے بھی کبھی ہمت نہیں ہاری ۔ انہوں نے کہاکہ نور الدین بھمانی طویل عرصے سے اسٹیچر پر تھے اور اسی حالت میں وہ معذور افراد کیلئے کام بھی کرتے تھے اور ساتھ ہی ایم کیوایم کے ہر پروگرام میں شامل ہو تے تھے۔انہوں نے کہا کہ نور الدین بھمانی انتہائی مخلص اور ملنسارآدمی تھے جو ہر انسان کے دکھ کو اپنا دکھ سمجھ کر ان کی مدد کر تے تھے۔ انہوں نے نور الدین بھمانی مرحوم کے سو گوار لواحقین سے دلی تعزیت اور ہمدردی کااظہار کر تے ہوئے انہیں صبر کی تلقین کی اور دعاکہ اللہ تعالیٰ مرحوم کوجنت الفردوس میں اعلیٰ مقام عطا فرمائے اور سو گوار لواحقین کو یہ صدمہ برداشت کرنے کا عطا کریں۔مرحوم نے سوگوار ان میں بیوہ اور ایک بیٹی چھوڑی ہے۔