Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ماورائے عدالت قتل کئے گئے ایم کیوایم لانڈھی سیکٹر کارکن محمد آصف کوسینکڑوں سوگواران کی آہوں اورسسکیوں کے درمیان شہدا قبرستان میں سپردخاک


ماورائے عدالت قتل کئے گئے ایم کیوایم لانڈھی سیکٹر کارکن محمد آصف کوسینکڑوں سوگواران کی آہوں اورسسکیوں کے درمیان شہدا قبرستان میں سپردخاک
 Posted on: 6/14/2013
ماورائے عدالت قتل کئے گئے ایم کیوایم لانڈھی سیکٹر کارکن محمد آصف کوسینکڑوں سوگواران کی آہوں اورسسکیوں کے درمیان شہدا قبرستان میں سپردخاک
چیف جسٹس پاکستان کراچی میں قتل ہونے والے ایم کیوایم کے کارکنان اور انکی منسخ شدہ لاشوں کو پھینکنے کا نوٹس لیں ، خالد مقبول صدیقی
پاکستان میں حکومت توبدلی ہے لیکن اس شہر کا نصیب نہیں بدلا، ہمارے ساتھی آج بھی شہید ہور ہے ہیں تدفین کے بعد جناح گراؤنڈ عزیز آباد میں میڈیا سے گفتگو 
تصاویر
کراچی۔۔۔۔14 جون 2013ء
سرکاری حراست میں ماورائے عدالت قتل کئے گئے ایم کیوایم لانڈھی سیکٹر یونٹ 84کے کارکن محمد آصف ولد عبدالباسط کوسینکڑوں سوگواران کی آہوں اورسسکیوں کے درمیان شہدا قبرستان یاسین آباد میں سپردخاک کر دیا گیا ۔ شہید کی نمازجنازہ جناح گراؤنڈ عزیز آباد میں ادا کی گئی ۔ نمازجنازہ و تدفین میں ایم کیوایم کی رابطہ کمیٹی کے ڈپٹی کنونیر زڈاکٹر خالد مقبول صدیقی ، ڈاکٹر نصرت ، ناصر جمال ،اراکین رابطہ کمیٹی، قومی اسمبلی میں ایم کیوایم کے پارلیمانی لیڈر ڈاکٹر فاورق ستار ، ڈپٹی پارلیمانی لیڈر رشید گوڈیل ، حق پرست اراکین قومی و صوبائی اسمبلی، سیکٹرز و یونٹس کے ذمہ داران ،کارکنان ، ایم کیوایم کے مختلف شعبہ جات کے ذمہ داران و اراکین اور شہید کے عزیز اقارب نے بہت بڑی تعداد میں شرکت کی ۔ اس سے قبل جب نائن زیرو سے محمد آصف شہید کا جسد خاکی اٹھایا گیا تو ایک کہرام مچ گیا اس موقع پر ہر آنکھ اشکبار اور فضا سوگوار تھی۔ ایم کیوایم کی رابطہ کمیٹی کے اراکین نے شہید کے لواحقین اور سو گوار کارکنان کو گلے لا کر دلاسہ دیا اور انہیں صبر کی تلقین کی۔ محمد آصف شہید کی نماز جنازہ کے بعد میڈیا کے نمائندگان سے گفتگو کرتے ہوئے ایم کیوایم کی رابطہ کمیٹی کے ڈپٹی کنونیر ڈاکٹر خالد مقبول صدیقی نے کہاکہ آج آپکے توسط سے پورے پاکستان کے لوگوں نے دیکھا کے ہمارے ایک اور ساتھی کا جسد خاکی جناح گراؤنڈ سے اٹھایا گیا ہے جنہیں ماورائے عدالت شہید کیا گیا ہے ، پاکستان میں حکومت توبدلی ہے لیکن اس شہر کا نصیب نہیں بدلا، ہمارے ساتھی آج بھی شہید ہور ہے ہیں اور شہر میں کوئی آئین ، قانون اور حکومت نظر نہیں آتی ہے ،ہم ارباب اختیار سے پوچھتے ہیں کہ ایم کیوایم کے کارکنان کو کس قانون کے تحت بغیر وارنٹ گرفتار کیا جارہا ہے؟بہیمانہ تشدد کا نشانہ بنا کر قتل کیا جارہا ہے اور ان کی نعشیں شہرکے مختلف علاقوں میں پھینکی جارہی ہیں۔ انہوں نے کہاکہ پاکستان میں دہشت گردی عروج پر ہے اور قانون نام کی کوئی چیز نہیں ہے، سرکاری سرپرستی میں دہشت گردی ہورہی ہے ، جرائم پیشہ اجرتی قاتلوں اور اغواء برائے تاوان میں ملوث لوگوں کو کھلی چھوٹ ملی ہوئی ہے ۔ انہوں نے چیف جسٹس پاکستان افتخار محمد چوہدری سے اپیل کی کہ خدارا ہماری طرف دیکھئے یہ قتل ہونے والے ایم کیوایم کے کارکنان بھی پاکستان کے ہی بیٹے ہیں جتنے دوسرے علاقوں میں رہنے والے ہیں اورکراچی میں قتل ہونے والے ایم کیوایم کے کارکنان اور انکی منسخ شدہ لاشوں کو پھینکنے کا نوٹس لیں ،خدارا انہیں بھی پاکستانی سمجھا جائے اور بے گناہ بہتے خون کو روکا جائے ۔ انہوں نے کہاکہ ایم کیوایم محمد آصف کے ماورائے عدالت قتل پر پُرزور احتجاج کر تی ہے اور مطالبہ کرتی ہے کہ ایم کیوایم کے کارکنان کے ماورائے عدالت قتل کا سلسلہ فی الفور بند کرایاجائے ۔انہوں نے کہاکہ ایم کیوایم کے کارکنان کی گرفتاریوں کا سلسلہ جاری ہے اور آج بھی ایم کیوایم کے تین کارکنان محمد آصف ، ادریس اور رئیس کومختلف علاقوں سے اغواء کرلیا گیا ہے ۔انہوں نے کہاکہ ایم کیوایم نے ہمیشہ جمہوریت کا ساتھ دیاہے کراچی کے عوام نے قائد تحریک جناب الطاف حسین کے نمائندوں کو مینڈیٹ دیا ہے اس کے باوجود ایم کیوایم کے دفتروں پر چھاپے ،کارکنان کو گرفتار کرنا، ٹارگٹ کلنگ اور ماروعدالت قتل جیسے شرمناک واقعات، ارباب اختیار کے لوگوں کو کراچی میں ایم کیوایم کے کارکنان کا بہتا ہوا خون نظر نہیں آرہا ہے۔ 


12/4/2016 6:16:36 AM