مڈل کلاس سے تعلق رکھنے والے نو منتخب وزیراعلیٰ بلوچستان ڈاکٹر عبد المالک کو قائد تحریک الطاف حسین کی مبارکباد

لندن ۔۔۔09، جون 2013ء 

متحدہ قومی موومنٹ کے قائد جناب الطاف حسین نے بلوچستان کی مڈل کلاس اور بلوچستان کی نیشنل پارٹی سے تعلق رکھنے والی شخصیت ڈاکٹر عبدالمالک کو وزیراعلیٰ بلوچستان بننے پر دلی مبارکباد پیش کی ہے ۔اپنے ایک تہنیتی بیان میں جناب الطاف حسین نے کہا کہ ڈاکٹر عبد المالک کا وزیراعلیٰ بلوچستان بننا بلوچستان کے عوام بالخصوص غریب اور متوسط طبقہ کے عوام کیلئے خوش آئند ہے اور ہماری دعائیں ڈاکٹر عبد المالک کے ساتھ ہیں ۔ہمیں امید ہے کہ وہ بحیثیت صوبہ کے سربراہ بلوچستان کو نازک صورتحال سے نکالنے اور بلوچستان کے عوام کے مسائل کے حل اور ظلم کا نشانہ بننے والے بلوچ عوام کے ساتھ ساتھ اور دیگر طبقہ فکر کے ساتھ بھی بامقصد مذاکرات کریں گے ،مظلوم عوام کے زخموں پر مرہم رکھیں گے اور بلوچستان میں امن و امان کی بحالی کیلئے ہر سطح پرمثبت اقدامات بروئے کار لائیں گے ۔