متحدہ دینی محاذ کے امیدواراورکارکنوں کی جانب سے صوبائی اسمبلی کے حلقہ پی ایس 128کے مختلف پولنگ اسٹیشنوں پرقانون نافذ کرنیوالے اداروں کے اہلکاروں کی موجودگی میں ایم کیوایم کے مردوخواتین پولنگ ایجنٹس کوحراساں کرنے اور تشددکانوٹس لیاجائے،رابطہ کمیٹی
ؐکراچی:۔۔۔8جون2013ء
متحدہ قومی موومنٹ کی رابطہ کمیٹی نے صوبائی اسمبلی کے حلقہ پی ایس 128 کے پولنگ اسٹیشن نمبر 28، 29اور 31بلدیہ اسکول داؤد چالی سمیت دیگرپولنگ اسٹیشنوں میں متحدہ دینی محاذ کے امیدوار اورنگزیب فاروقی اوردینی محاذکے کارکنان کی جانب قانون نافذ کرنے والے اداروں کی موجودگی میں ایم کیوایم کے مرد و خواتین پولنگ ایجنٹوں کو حراساں کرنے اور ان پربہیمانہ تشددکی سخت ترین الفاظ میں مذمت کی ہے ۔ایک بیان میں رابطہ کمیٹی نے کہاکہ اورنگزیب فاروقی اوران کی جماعت کے کارکنوں نے پولنگ کے عمل کے دوران مختلف پولنگ اسٹیشنوں میں زبردستی گھس کر ایم کیوایم کے مردوخواتین پولنگ ایجنٹس کو حراساں اور انہیں بہیمانہ تشددبنانے کو انتخابی ضابطہ اخلاق کی خلاف ورزی قرار دیتے ہوئے الیکشن کمیشن آف پاکستان سے پرزورمطالبہ کیاکہ قانون نافذ کرنے والے اداروں کی موجودگی میں متحدہ دینی محاذکے امیدواراورکارکنوں کی جانب سے ایم کیوایم کی خواتین اور مرد پولنگ ایجنٹوں کو حراساں کرنے اور ان پربہیمانہ تشددکاسختی سے نوٹس لیاجائے اورواقعے کی تحقیقات کرکے ذمہ دارافرادکے خلاف قانون کے مطابق کارروائی کی جائے۔