مسلح دہشت گردوں کے فائرنگ سے ایم کیوایم ناظم آباد یونٹ 183کے ہمدرد سکندر وہرہ کے بہیمانہ قتل پر جناب الطاف حسین کا اظہار مذمت۔
لندن۔۔۔5، جون 2013ء
متحدہ قومی موومنٹ کے قائد جناب الطاف حسین نے مسلح دہشت گردوں کی فائرنگ سے ایم کیوایم ناظم آباد یونٹ 183کے ہمدرد سکندر وہرہ کے بہیمانہ قتل کی سخت ترین الفاظ مذمت کی ہے اوراسے کھلی بربریت قرار دیا ہے ۔ ایک تعزیتی بیان میں انہوں نے شہداء کے لواحقین سے دلی وہمدردی کااظہار کرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ انہوں نے مطالبہ کیا کہ سکندروہرہ شہید کے سفاک قاتلوں کو فی الفور گرفتار کیاجائے اور ایم کیوایم کے خلاف جاری غیر جمہوری ، غیر آئینی اور غیر قانونی کارروائیوں کا سلسلہ بند کرایا جائے ۔جناب الطاف حسین نے دعا کی کہ اللہ تعالیٰ سکندر ووہرہ شہید کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے ۔ (آمین)