ایم کیوایم کی یوم سوگ کی اپیل پررضاکارانہ طورپر کاروبار،ٹرانسپورٹ اوراسکولوں کوبند کرنے کا اعلان کرنے پر تمام تاجر انجمنوں ، ٹرانسپورٹ تنظیموں اورپرائیویٹ اسکولزایسوسی ایشنز سے ایم کیوایم کااظہارتشکر
تمام تاجر انجمنوں، ٹرانسپورٹرز اوراسکولزایسوسی ایشنزکے بیحدممنون ہیں کہ وہ شہیدنوجوانوں کے سفاکانہ قتل پر شہیدوں کے لواحقین کے دکھ اور غم میں برابرکے شریک ہیں۔ حیدرعباس رضوی
کراچی ۔۔۔ 5 جون 2013ء
متحدہ قومی موومنٹ کی رابطہ کمیٹی کے رکن سیدحیدرعباس رضوی نے اپنے ایک بیان میں ان تمام تاجرانجمنوں،ٹرانسپورٹ تنظیموں، پرائیویٹ اسکولزایسوسی ایشنز اورتمام تاجربرادری،دکانداروں سے تہہ دل سے شکریہ اداکیاہے جنہوں نے کل بروزجمعرات ایم کیوایم کی یوم سوگ کی اپیل کی حمایت کرتے ہوئے رضاکارانہ طورپراپنے کاروبار،ٹرانسپورٹ اوراسکولوں کوبندکرنے کا اعلان کیاہے۔ہم ان تمام تاجر انجمنوں، ٹرانسپورٹرز اوراسکولزایسوسی ایشنزکے بیحدممنون ہیں کہ وہ شہیدنوجوانوں کے سفاکانہ قتل پر شہیدوں کے لواحقین کے دکھ اور غم میں برابرکے شریک ہیں۔