Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ارباب اختیار، کراچی تنظیمی کمیٹی کے رکن ایاز حسن کی زندگی بچانے کیلئے فوری اقدامات کریں، رابطہ کمیٹی


ارباب اختیار، کراچی تنظیمی کمیٹی کے رکن ایاز حسن کی زندگی بچانے کیلئے فوری اقدامات کریں، رابطہ کمیٹی
 Posted on: 6/3/2013 1
ارباب اختیار، کراچی تنظیمی کمیٹی کے رکن ایاز حسن کی زندگی بچانے کیلئے فوری اقدامات کریں، رابطہ کمیٹی
ایاز حسن اپنے بیٹے کو سانگھڑ کیڈٹ کالج سے لینے کیلئے کراچی سے اپنے ایک دوست کے ہمراہ روانہ ہوئے تھے 
سہراب گوٹھ سے کچھ آگے ایک نامعلوم سرکاری ادارے کے سادہ لباس میں اہلکار شناخت کے بعدانہیں زبردستی اپنے ساتھ لے گئے
چند روزقبل ایم کیوایم برنس روڈ کے یونٹ انچارج اجمل بیگ کو ماورائے عدالت قتل کیا جاچکا ہے
خطرہ ہے کہ سرکاری اہلکار ایاز حسن کی زندگی کو بھی نقصان پہنچا سکتے ہیں
کراچی ۔۔۔3، جون2013ء
متحدہ قومی موومنٹ کی رابطہ کمیٹی نے ارباب اختیار سے اپیل کی ہے کہ وہ ایم کیوایم کی کراچی تنظیمی کمیٹی (KTC ) کے رکن ایاز حسن کی زندگی بچانے کیلئے فوری اقدامات کریں۔ ایک بیان میں رابطہ کمیٹی نے کہاکہ ایاز حسن ایم کیوایم کی کراچی تنظیمی کمیٹی کے رکن ہیں ۔ وہ آج بروز پیر کی سہ پہر اپنے بیٹے کو سانگھڑ کے کیڈٹ کالج سے لینے کیلئے کراچی سے اپنے ایک دوست کے ہمراہ کرائے کی گاڑی میں روانہ ہوئے تھے ۔ سہراب گوٹھ سے کچھ آگے ایک نامعلوم سرکاری ادارے کے سادہ لباس میں اہلکاروں نے ان کی گاڑی کوروک کر ان کی شناخت کی اور زبردستی اپنے ساتھ لے گئے ۔ رابطہ کمیٹی نے کہاکہ ان سادہ لباس اہلکاروں نے ایک سنسان علاقہ میں پہنچ کر ڈرائیور کو توچھوڑ دیا لیکن ایا ز حسن اور ان کے دوست کو اپنے ہمراہ لے گئے ۔ 
رابطہ کمیٹی نے کہاکہ ایم کیوایم کے 8 کارکنان پہلے ہی سرکاری اہلکاروں کے ہاتھوں اغواء ہونے کے بعد سے لاپتہ ہیں اور ان میں کئی کارکنان کی غیرقانونی حراست کو کئی ماہ گزرجانے کے باوجود کوئی ادارہ ان کو حراست میں رکھے جانے کی تصدیق نہیں کررہا ہے ۔رابطہ کمیٹی نے کہاکہ چند روز قبل ماورائے عدالت قتل کئے جانے والے ایم کیوایم برنس روڈ سیکٹر کے یونٹ انچارج اجمل بیگ کے واقعہ کے تناظر میں ہمیں ایاز حسن کی زندگی کے بارے میں سخت خدشات لاحق ہیں۔ ہمیں خطرہ ہے کہ سرکاری اہلکار ایاز حسن کی زندگی کو بھی نقصان پہنچا سکتے ہیں۔
رابطہ کمیٹی نے ارباب اختیار سے اپیل کی کہ سادہ لباس میں ملبوس اہلکاروں کی جانب سے کراچی تنظیمی کمیٹی کے رکن ایاز حسن اوران کے دوست کی غیرقانونی گرفتاری کا فوری نوٹس لیا جائے اور ایازحسن کی زندگی کے تحفظ کیلئے فوری اقدامات کئے جائیں۔

12/2/2016 1:47:54 PM