متحدہ قومی موومنٹ وفاق اورسندھ میں اپوزیشن بینچوں پر بیٹھے گی۔رابطہ کمیٹی کافیصلہ
ایم کیوایم کل ہونے والے وزیراعلیٰ سندھ کے انتخاب میں بھی حصہ لے گی ،
سینئرپارلیمینٹرین سید سردار احمد ایم کیوایم کی جانب سے وزیراعلیٰ سندھ کے امیدوار ہونگے
فیصل سبزواری سندھ اسمبلی میں ایم کیوایم کے پالیمانی لیڈرہونگے، خواجہ اظہارالحسن ڈپٹی پارلیمانی لیڈرہوں گے
ڈاکٹرفاروق ستار قومی اسمبلی میں ایم کیوایم کے پارلیمانی لیڈر اوررشیدگوڈیل ڈپٹی پارلیمانی لیڈر ہوں گے
ایم کیوایم کی پارلیمانی کمیٹی کی تجاویزکی روشنی میں رابطہ کمیٹی کافیصلہ
کراچی ۔۔۔29 مئی 2013ء
متحدہ قومی موومنٹ وفاق اورسندھ میں اپوزیشن بینچوں پر بیٹھے گی۔ اس بات کا فیصلہ قومی اسمبلی اورصوبائی اسمبلی میں ایم کیوایم کی پارلیمانی کمیٹی کی تجاویزکی روشنی میں آج رابطہ کمیٹی نے اپنے اجلاس میں کیا ۔ رابطہ کمیٹی نے فیصلہ کیاہے کہ ایم کیوایم کل ہونے والے وزیراعلیٰ سندھ کے انتخاب میں بھی حصہ لے گی اورسینئرپارلیمینٹرین سید سردار احمد ایم کیوایم کی جانب سے وزیراعلیٰ سندھ کے امیدوار ہوں گے۔ رابطہ کمیٹی کے فیصلے کے مطابق فیصل سبزواری سندھ اسمبلی میں ایم کیوایم کے پالیمانی لیڈرکے فرائض انجام دیں گے جبکہ خواجہ اظہارالحسن ڈپٹی پارلیمانی لیڈرہوں گے۔ اسی طرح قومی اسمبلی میں ایم کیوایم کے پارلیمانی لیڈرڈاکٹرفاروق ستار اورڈپٹی پارلیمانی لیڈر رشیدگوڈیل ہوں گے۔