لیاری گینگ وار کے بدنام زمانہ دہشت گرد نگار سینما کے قریب سے ایم کیوایم کے کارکن محمد راحیل کو اغواء کرکے لے گئے

کراچی ۔۔۔27، مئی 2013ء

متحدہ قومی موومنٹ کی رابطہ کمیٹی نے لیاری گینگ وارکے بدنام زمانہ دہشت گردوں کی جانب سے ایم کیوایم رنچھوڑلائن سیکٹریوسی5کے کارکن راحیل کونگارسینماکے قریب سے اغواء کرکے ساتھ لے جانے کی سخت ترین الفاظ میں مذمت کی ہے اوروفاقی وزیرداخلہ ملک حبیب اوروزاعلیٰ سندھ زاہدقربان علوی سے پرزورمطالبہ کیاہے کہ راحیل کولیاری گینگ وارکے دہشت گردوں سے بازیاب کروایاجائے۔ایک بیان میں رابطہ کمیٹی نے کہاکہ لیاری گینگ وارکے دہشت گردوں نے شہرمیں قتل وغارتگری ،لوٹ مار،بھتہ خوری اوراغواء برائے تاوان سمیت دیگرسنگین وارداتوں کوسلسلہ شروع کر رکھاہے جوتسلسل کے ساتھ ماضی میں بھی ایم کیوایم کے ذمہ داران،کارکنان،ہمدردوں اورتاجروں و صنعتکاروں کواغواء کے بعدبہیمانہ تشددکانشانہ بناکربے دردی سے قتل کرچکے ہیں۔رابطہ کمیٹی نے خدشہ ظاہرکیاکہ محمد راحیل کولیاری گینگ وارکے دہشت گرد بے دردی سے قتل نہ کردیں۔رابطہ کمیٹی نے نگراں وفاقی وزیرداخلہ ملک حبیب اورنگراں وزیراعلیٰ سندھ زاہدقربان علوی سے مطالبہ کیاکہ ایم کیوایم کے کارکن راحیل کولیاری گینگ وار کے چنگل سے فی الفوربازیاب کرایاجائے اورانہیں اغواء کی واردات میں ملوث دہشت گردوں کوگرفتارکرکے قانون کے مطابق سزادی جائے۔رابطہ کمیٹی نے انسانی حقوق کی تنظیموں سے اپیل کی کہ وہ انسانیت کے ناطے راحیل کی بازیابی کیلئے صدائے احتجاج بلندکریں اور انسانی زندگی کوبچانے میں اپناکرداراداکریں۔