سندھ نیشنل پارٹی کے چیئرمین اشرف نوناری کی الیکشن 2013ء میں حق پرست امیدواروں کی بھاری اکثریت سے کامیابی پر جناب الطاف حسین کو دلی مبارکباد

کراچی ۔۔۔27، مئی 2013ء 

سندھ نیشنل پارٹی کے چیئرمین اشرف نوناری اور تنظیم کے تمام عہدیداران نے قائد تحریک جناب الطاف حسین کو الیکشن 2013ء میں حق پرست امیدواروں کی بھاری اکثریت سے کامیابی پر دلی مبارکباد پیش کی ہے ۔ اپنے مشترکہ بیان میں انہوں نے امید ظاہر کی کہ حق پرست منتخب نمائندے مظلوم عوام کے قانونی ، آئینی ، معاشی اور سماجی حقوق کے حصول کیلئے منتخب ایوان میں نہ صرف بھر پور آواز اٹھائیں گے بلکہ سندھ میں اردو اور سندھی بولنے والی آبادی کے درمیان باہمی بھائی چارے کی فضاء کے قیام اور لسانی نفرتوں کے خاتمے کیلئے ماضی کی طرح اپنا مثبت کردار ادا کریں گے ۔انہوں نے قائد تحریک جناب الطاف حسین کی جانب سے اعلان کردہ ایم کیوایم کی نومنتخب رابطہ کمیٹی کا زبردست خیر مقدم کیا اور نومنتخب اراکین رابطہ کمیٹی کو دل کی گہرائیوں سے مبارکباد پیش کی اور کہا کہ جناب الطاف حسین کی قیادت میں ایک دن ضرور سندھ سے نفرتوں کا خاتمہ ہوگا اور ملک بھر کے مظلوم عوام کو ان کے بنیادی حقوق میسر آئیں گے۔