کینیڈا کے مختلف شہروں میں ایم کیوایم کینیڈا کے زیراہتمام پاکستانی کمیونٹی کے پرامن احتجاجی مظاہرے اوراحتجاج
جناب الطاف حسین پر لگائے گئے بے بنیاد اور جھوٹے الزامات کے خلاف برٹش ہائی کمیشن میں یادداشت جمع کرائی
ٹورنٹو:۔۔۔23 مئی 2013ء
متحدہ قومی موومنٹ کے زیراہتمام کینیڈاکے مختلف شہروں ٹورونٹو،مانٹریال ، کیلگری و دیگرشہروں میں پرامن احتجاجی مظاہرے کیے گئے اور قائد جناب الطا ف حسین سے مکمل اظہارِیکجہتی کرتے ہوئے ان پرلگائے گئے جھوٹے ، بے بنیادالزامات اورمنفی پروپیگنڈے کے خلاف بھر پور احتجاج ریکارڈ کراتے ہوئے جناب الطاف حسین پر لگائے گئے الزامات کی سخت ترین الفاظ میں مذمت کی ۔کینیڈا کے مختلف شہروں میں ہونے والے مظاہروں میں ایم کیو ایم کینیڈاکے جوائنٹ سینٹرل آرگنائزر آصف قاضی، مسعودحسن ،ممبران سینٹرل آرگنائزنگ کمیٹی ،دیگر ذمہ داران ، کارکنان اور ان کے اہل خانہ اور پاکستانی کمیونٹی سے تعلق رکھنے والے بزرگ ، خواتین اور بچوں سمیت پاکستانیوں کی بڑ ی تعداد نے شرکت کی۔ مظاہرے کے شرکاء ہاتھوں میں پلے کارڈ اٹھائے انتہاء پسند تنظیموں کے حامیوں کی جانب سے اعتدال پسند اور ترقی پسند جماعت اور اس کے قائد جناب الطاف حسین کے خلاف کی جانے والی سازشوں اور بے بنیاد الزامات کی پرزورمذمت کررہے تھے۔ بعد ازاں مظاہرین کے وفد نے برٹش ہائی کمیشن کے عملے سے ملاقات کرکے اپنا پرامن احتجاج ریکارڈ کرایا اور یادداشت جمع کرائی۔