مشرقی بائی پاس بھوسہ منڈی کے قریب بم دھماکہ پر جناب الطاف حسین اظہار مذمت۔
جو عناصر معصوم عوام کی زندگیوں سے کھیل رہے وہ مسلمان تو کجا انسان کہلانے کے مستحق بھی نہیں ہیں۔
کراچی ۔۔23مئی 2013ء
متحدہ قومی موومنٹ کے قائد جناب الطاف حسین نے کوئٹہ میں مشرقی بائی پاس بھوسہ منڈی کے قریب بم دھماکہ کی سخت ترین الفاظ میں مذمت کی ہے اور دھماکے نتیجے میں متعدد اہلکاروں کی شہادت و زخمی ہونے پر گہرے دکھ اور افسوس اظہارکیا ہے۔ ایک بیان میں جناب الطاف حسین نے کہاکہ جو عناصر معصوم عوام کی زندگیوں سے کھیل رہے وہ مسلمان تو کجا انسان کہلانے کے مستحق بھی نہیں ہیں ،ایسے درندصفت عناصر کا کوئی مذہب نہیں ہوتا وہ صرف ملک میں انارکی پھیلانے اور امن وامان کی صورتحال کو ثبوتا ژ کرنے جیسے گھناؤنے عمل میں مصروف رہتے ہیں جس کی جنتی مذمت کی جائے کم ہے ۔ جنا ب الطاف حسین نے واقعہ میں شہید ہونے والے افراد کے سوگوار لواحقین سے دلی تعزیت وہمدردی کا اظہار کرتے ہوئے مرحومین کی مغفر ت اور سوگوارن کیلئے صبر جمیل کی دعا کی ہے۔انہوں نے صدر پاکستان آصف علی زرداری ، نگراں وزیر اعظم امیر ہزار خان کھوسو،نگراں وفاقی وزیر داخلہ حبیب ملک سے مطالبہ کیا ہے کہ کوئٹہ میں دھماکہ کا فوری نوٹس لیا جائے اور اس میں ملوث عناصر کو فی ولفورگرفتار کر کے قانون کے مطابق قرار واقعی سز دی جائے ۔ انہوں نے واقعہ میں زخمی ہونے والے افراد کی جلد ومکمل صحتیابی کیلئے بھی دعا کی ہے ۔