ایم کیوایم کی رابطہ کمیٹی نے رابطہ کمیٹی کے ارکان شکیل عمر ،سلیم تاجک اور کراچی تنظیمی کمیٹی کے سابق رکن فاروق سلیم کو غیر معینہ مدت کیلئے تنظیم سے معطل کر دیا
جناب الطاف حسین ایم کیوایم کو اسکی اصل نظریاتی اساس پر واپسی لانے کیلئے مسلسل تہطیر ی عمل کر رہے ہیں
ذمہ دارن وکارکنان معطل افراد سے کسی قسم کا قطعی کوئی رابطہ نہ رکھیں
کراچی ۔۔23مئی 2013ء
متحدہ قومی موومنٹ کی رابطہ کمیٹی نے اپنے ایک بیان میں کارکنان و عوام کومطلع کیا ہے کہ قائد تحریک جناب الطاف حسین ایم کیوایم کو اسکی اصل نظریاتی اساس پر واپسی لانے کیلئے مسلسل تہطیر ی عمل کر رہے ہیں اس میں وہ دن رات مصروف ہیں اور روزانہ صرف دو سے تین گھنٹے سوتے ہیں باقی 21،22گھنٹے لگاتارکا م کرتے ہیں تمام تر تفصیلات کی تصدیق و شواہد کے بعدوہ جو فیصلے کررہے ہیں اس میں رابطہ کمیٹی کے اراکین کی مشاورت کا بھی مکمل عمل دخل ہے ۔ تازہ ترین فیصلوں کے مطابق رابطہ کمیٹی کے رکن شکیل عمر ،سلیم تاجک اور کراچی تنظیمی کمیٹی کے سابق رکن فاروق سلیم کوغیر معینہ مدت کیلئے تنظیم سے معطل کر دیا گیا ہے ۔ رابطہ کمیٹی نے ایم کیوایم کے تمام ذمہ داران ،کارکنان کو ہدایت کی ہے کہ وہ ان معطل ارکان سے کسی قسم کا قطعی کوئی رابطہ ہرگز نہ رکھیں جو ذمہ داران یا کارکنان اس ہدایت کی خلاف ورزی کے مرتکب ہوں گے ان کے خلاف بھی تنظیمی نظم ضبط کے تحت کارروائی کی جائے گی ۔
*****