جنو ب مشرقی لندن میں دہشت گردوں کے ہاتھوں برطانوی فوجی کے بہیمانہ قتل پر ایم کیوایم کے قائد جناب الطاف حسین کا دکھ کا اظہار

لندن ۔۔22مئی 2013ء 

متحدہ قو می موومنٹ کے قائد جناب الطاف حسین نے جنو ب مشرقی لندن میں دہشت گردوں کے ہاتھوں ایک برطانوی فوجی کے بہیمانہ قتل پر گہرے دکھ کا اظہار کیا ہے ۔ برطانوی وزیر اعظم ڈیوڈ کیمر ون کے نام اپنے تحریر ی پیغام میں جناب الطا ف حسین نے کہا کہ وہ اس المناک واقعہ کی اپنی جانب ،اپنی جماعت کے تمام ذمہ داران وکارکنان کی جانب سے اور تمام پاکستانی عوام کی جانب سے مذمت کر تے ہیں اور مقتول کے سوگوار اہل خانہ کے غم میں برابر کے شریک ہیں ۔جناب الطا ف حسین نے کہا کہ اسلام امن اور سلامتی کا در س دیتا ہے اور میں تمام عالم اسلام سے اپیل کر تا ہوں کہ وہ اس بہیمانہ واقعہ کی کھل کر مذمت کر یں اور برطانوی عوام سے یکجہتی کا اظہار کریں ۔