ایم کیوایم کے تحت الیکشن 2013 میں تاریخی کامیابی پر کراچی سمیت ملک بھر میں یوم تشکر منایا جائے گا

کراچی ۔۔16مئی 2013ء 

ایم کیوایم کے تحت آج بروز جمعہ الیکشن 2013میں تاریخی کامیابی پرکراچی سمیت ملک بھرمیںیوم تشکر منایا جاے گا۔ اس سلسلے میں یوم تشکر کا مرکزی اجتماع جناح گراؤنڈ عزیز آباد’’ میں یادگار حق شہداء ‘‘پر منعقد ہو گاجس میں حق پرست عوام اور ایم کیوایم کے کارکنان و ہمدرد بڑی تعداد میں شرکت کریں گے۔ اس مو قع پرایم کیوایم کی رابطہ کمیٹی کے ارکان، نومنتخب ارکان قومی و صوبائی اسمبلی ، نائن زیرو کے مختلف شعبہ جات کے ذمہ داران و اراکین بھی موجود ہونگے ۔ یوم تشکر کے موقع پر نو منتخب ارکان قومی و صوبائی اسمبلی شہداء کے گھروں پر جاکر ان کے لواحقین کا غم بانٹیں گے ،شہداء کی قبروں پر حاضری دیکر وہاں پھول چڑھائیں گے اور خدا کے حضور دعا کریں کہ وہ حق پرستی کی اس تحریک کو اس کے مقاصد میں کامیابی عطا کرے (آمین )۔رابطہ کمیٹی نے عوام سے اپیل کی کہ وہ یوم تشکر کے اجتماع میں زیادہ سے زیادہ تعداد میں شرکت کریں۔