ایم کیوایم کے قائد الطاف حسین کی چیف الیکشن کمشنر جسٹس فخرالدین جی ابراہیم سے فون پر گفتگو

لندن ۔۔۔11مئی 2013ء

متحدہ قومی موومنٹ کے قائدجناب الطاف حسین نے آج صبح چیف الیکشن کمشنر جسٹس فخرالدین جی ابراہیم سے فون پر گفتگوکی اورانہیں کراچی کے بیشترحلقوں میں پولنگ عملہ نہ پہنچنے ،بیشترحلقوں میں بیلٹ بکس اوربیلٹ پیپرنہ پہنچنے اورپولنگ شروع نہ کئے جانے سے آگاہ کیا۔ جناب الطاف حسین نے چیف الیکشن کمشنرکوآگاہ کیاکہ قومی اسمبلی کے حلقوں این اے 249، کھارادر، این اے 250 ڈیفنس کلفٹن، این اے 253 گلستان جوہر، این اے 255 لانڈھی، صوبائی اسمبلی کے حلقوں پی ایس،110، 111، 112، پی ایس 118،پی ایس 126 اوردیگرحلقوں میں اب تک پولنگ شروع نہیں ہوسکی ہے ۔ بیشترعلاقوں میں پولنگ کاعملہ نہیں پہنچ سکاہے اوراگرکہیں پولنگ کاعملہ ہے تو وہاں بیلٹ بکس اوربیلٹ پیپرزنہیں پہنچ سکے ہیں۔ جناب الطاف حسین نے کہاکہ مذکورہ حلقوں سے ایم کیوایم کے نامزد امیدوار الیکشن کمیشن کے حکام کوآگاہ کرچکے ہیں لیکن تاحال اس سلسلے میں کوئی اقدام نہیں کیاگیاہے جس سے ووٹرزمیں بہت بے چینی پائی جاتی ہے ۔ چیف الیکشن کمشنرجسٹس فخرالدین جی ابراہیم نے جناب الطاف حسین کوبتایاکہ انہیں بھی اس بارے میں شکایات موصول ہوئی ہیں اوران شکایات کوجلدہی دور کیاجائے گا۔