لوئر دیر میں خواتین کوووٹ دینے کی اجازت نہ دینا غیرانسانی عمل ہے ، الطاف حسین

Posted on: 5/10/2013

خواتین کو حق رائے دہی سے محروم رکھنا انکے بنیادی انسانی حقوق کی خلاف ورزی ہے
انسانیت اورجمہوریت پر یقین رکھنے والے جماعت اسلامی اور پیپلزپارٹی کے مابین غیرجمہوری معاہدے کا نوٹس لیں
خواتین کو رائے دہی کے جمہوری حق سے محروم کرنے والوں کے خلاف سخت کارروائی کی جائے
لندن۔۔۔10،مئی2013ء
متحدہ قومی موومنٹ کے قائد جناب الطاف حسین نے صوبہ خیبرپختونخوا کے علاقے لوئر دیر میں جماعت اسلامی اور پیپلزپارٹی کے مابین ہونے والے اس معاہدے کی سخت ترین الفاظ میں مذمت کی ہے جس میں طے پایاگیا ہے کہ لوئر دیر کے علاقے کی خواتین کو اپنا حق رائے دہی استعمال کرنے کی اجازت نہیں ہوگی ۔جناب الطاف حسین نے کہاکہ یہ عمل نہ صرف غیرانسانی، غیراخلاقی اور غیراسلامی ہے بلکہ خواتین کے بنیادی انسانی حقوق کی بھی سراسر خلاف ورزی ہے ۔ انہوں نے کہاکہ اس معاہدے کے ذریعہ خواتین کیلئے پتھروں کے دورمیں واپس لے جانے کی سازش کی جارہی ہے جب معاشرے پر مردوں کا مکمل تسلط ہوتا تھا اور خواتین کو کسی بھی قسم کے حقوق حاصل نہیں تھے ۔ انہوں نے انسانیت اورجمہوریت پر یقین رکھنے والوں سے اپیل کی کہ وہ اس غیرجمہوری معاہدے کا سختی سے نوٹس لیں اور اس کے خلاف صدائے احتجاج بلند کریں۔ انہوں نے امیدظاہر کی کہ خواتین اور انسانی حقوق کی انجمنیں اس غیرجمہوری معاہدے کا نوٹس لیتے ہوئے خواتین کو ان کے آئینی وجمہوری حق سے محروم کرنے کی سازش کو ناکام بنانے کیلئے اپنا کردار ضرور ادا کریں گی ۔
جناب الطاف حسین نے الیکشن کمیشن آف پاکستان ، نگراں وفاقی اور صوبہ خیبرپختونخوا کی نگراں صوبائی حکومت سے اپیل کی کہ وہ اس غیرجمہوری اور غیرقانونی معاہدے کا فوری نوٹس لیں اور خواتین کو ان کے رائے دہی کے جمہوری حق سے محروم کرنے والوں کے خلاف قانون کے مطابق سخت کارروائی کریں۔
*****

11/19/2025 3:14:29 PM

MQM leader Altaf slams coalition government of Pakistan over the passa... 16 Nov 2025	اگر میری برسوں پہلے بیان کردہ باتوں پر توجہ دی جاتی تو نہ آئین میں 26 ... 11 Nov 2025
If we examine the conduct of both the military and the political parti... 11 Nov 2025	یہ پاکستان کا المیہ ہے کہ وہ سیاسی جماعتیں جو خود کوجمہوریت کی علمبرد... 09 Nov 2025
Only MQM, as political party, raised common men to the status of lawm... 01 Nov 2025	The 27th Constitutional Amendment saying that the move aims to beef up... 30 Oct 2025
Passage of 27th Constitutional Amendment is in pipeline as escalated e... 28 Oct 2025	The 26th Constitutional Amendment and the Future of the Justice System... 27 Oct 2025
I want to make Pakistan free in letter and spirit and independent. S... 25 Oct 2025	Happydiwali2025 ... 20 Oct 2025