پاکستان میں دہشت گردی کے واقعات کے خلاف ایم کیوایم برطانیہ کے زیر اہتمام کل بروز جمعرات لندن میں برطانوی وزیر اعظم کی رہائشگاہ پر احتجاجی مظاہرہ کیا جائے گا

لندن ۔۔۔ 8مئی 2013

پاکستان میں بڑھتی ہوئی مذہبی انتہا پسندی اور دہشتگردی کے خلاف متحدہ قومی موومنٹ برطانیہ کے زیر اہتمام جمعرات 9؍مئی2013 بوقت ایک بجے دوپہر برطانوی وزیراعظم ڈیوڈ کیمرون کی سرکاری رہائش گاہ 10ڈاؤننگ اسٹریٹ پر احتجاجی مظاہرہ کا انعقاد کیا جارہا ہے۔ اپنے ایک بیان میں ایم کیو ایم برطانیہ کی آرگنائزنگ کمیٹی نے برطانیہ میں مقیم پاکستانی کمیونٹی سے اپیل کی ہے کہ پاکستان میں بم دھماکوں کے ذریعے دہشتگرد ی پھیلانے او ر ملک کی اعتدال پسند اور روشن خیال جماعتوں کو انتخابات سے باہر رکھنے کی سازشوں کے خلاف متحد ہوکر یکجہتی کا مظاہرہ کریں۔ آرگنائزنگ کمیٹی نے برطانیہ میں مقیم روشن خیال اور اعتدال پسنداور محب وطن برٹش پاکستانیوں سے اپیل کی کہ پاکستان میں جمہوریت اور مذہبی آزادی کی بقا کیلئے ایم کیوایم کے زیراہتمام مظاہرے میں بھرپور انداز میں شرکت کریں ۔