ایم کیوایم کے سینئررکن سیدطارق میر کی ضمانت میں جولائی تک کیلئے توسیع کردی گئی ۔ ترجمان ایم کیوایم
سیدطارق میراپنے وکیل کے ہمراہ پہلے سے طے شدہ اپائنمنٹ کے تحت سینٹرل لندن کے پولیس اسٹیشن پہنچے تھے
ایم کیوایم کسی بھی قسم کی منی لانڈرنگ میں ملوث ہونے کی تردیدکرتی ہے ۔ترجمان ایم کیوایم
لندن۔۔۔ 16 اپریل 2015ء
متحدہ قومی موومنٹ کے ترجمان کے مطابق میٹروپولیٹن پولیس نے منی لانڈرنگ کے الزام کے سلسلے میں پہلے سے جاری تفتیش کے سلسلے میں ایم کیوایم کے سینئر رکن سیدطارق میرکی ضمانت میں جولائی تک کیلئے توسیع کردی ہے۔ ترجمان نے کہاکہ سیدطارق میراپنے وکیل کے ہمراہ پہلے سے طے شدہ اپائنمنٹ کے تحت سینٹرل لندن کے پولیس اسٹیشن پہنچے تھے جہاں ان سے منی لانڈرنگ کے الزام کے سلسلے میں پہلے سے جاری تفتیش کے تحت سوالات کئے گئے۔ترجمان نے کہاکہ ایم کیوایم کسی بھی قسم کی منی لانڈرنگ میں ملوث ہونے کی تردیدکرتی ہے ۔