تحریک انصاف کے مرکزی سیکریٹری جنرل شفقت محمود سے ایم کیوایم کے قائد جناب الطاف حسین کی گفتگو

لندن ۔۔7مئی 2013ء

متحدہ قومی موومنٹ کے قائد جناب الطاف حسین نے منگل کی شب تحریک انصاف کے مرکزی سیکر یٹری جنرل شفقت محمود سے فون پر گفتگو کی اور ان سے تحریک انصاف کے سربراہ جناب عمر ان خان کی خیر یت دریافت کی۔جناب الطاف حسین نے کہا کہ اس دلخراش اور افسوسناک حادثے پر میں تحریک انصاف کے ایک ایک رہنماء کارکن ہمدرد اور عمران خان کے اہل خانہ سے دلی ہمدردی کا اظہار کرتا ہوں او رتمام پاکستانیوں سے اپیل کر تا ہوں کہ وہ قوم کے ہیرو اور قومی لیڈر عمران خان کی صحت یابی کیلئے اللہ تعالیٰ کے حضور دعا کریں ۔انہوں نے دعا کی کہ اللہ تعالیٰ عمران خان کو جلداز جلد صحت دے تاکہ وہ دوبارہ اپنی جماعت کی رہنمائی اور قیادت کرنے کے لئے جلد ازجلد میدان میں آسکیں۔ شفقت محمود نے اس موقع پر ہمدردی اور بھر پور یکجہتی کرنے جناب الطاف حسین کا شکریہ ادا کیا ۔