ایم کیوایم کا 2013ء کے عام انتخابات میں ہونے والی دھاندلیوں کی تحقیقات کیلئے قائم کئے جانے والے عدالتی کمیشن میں پیش ہونے کافیصلہ

کراچی ۔۔۔ 15 اپریل2015ء

متحدہ قومی موومنٹ نے 2013ء کے عام انتخابات میں ہونے والی دھاندلیوں کی تحقیقات کیلئے قائم کئے جانے والے عدالتی کمیشن میں پیش ہونے کافیصلہ کیاہے ۔اس سلسلے میں ایم کیوایم کے رہنماڈاکٹرفاروق ستارکی جانب سے عدالتی کمیشن کے چیئرمین چیف جسٹس سپریم کورٹ جسٹس ناصرالملک کے نام ایک خط بھی بھیجاگیاہے جس میں کہاگیاہے کہ اگرچہ ایم کیوایم آئین کی روشنی میں جوڈیشل کمیشن کے قیام کے حوالے سے کچھ تحفظات رکھتی ہے تاہم وہ اس سلسلے میں اپنے مؤقف کے باوجود2013ء کے انتخابات کے بارے میں بعض حلقوں میں ہونے والی دھاندلیوں اوردیگرایسے عوامل جنہوں نے انتخابی عمل کی شفافیت کومتاثرکیاان کے بارے میں عدالتی کمیشن کے روبراپنامؤقف پیش کرے گی ۔