دہشت گردعناصر چاہے کتنے ہی حملے کریں، ہمارے حوصلے پست نہیں ہونگے۔الطاف حسین

لندن ۔۔۔ 2 مئی 2013ء

متحدہ قومی موومنٹ کے قائدجناب الطاف حسین نے کراچی کے علاقے برنس روڈ میں ایم کیوایم کے سیکٹراورحق پرست امیدواروں کے الیکشن آفس پر بم دھماکے کی شدیدالفاظ میں مذمت کی ہے ۔ اپنے ایک بیان میں جناب الطاف حسین نے کہاکہ دہشت گردوں نے اس سے قبل بھی کراچی میں پیپلزچورنگی ،نصرت بھٹوکالونی اورقصبہ کالونی میں ایم کیوایم کے دفاترکوبموں سے نشانہ بنایاتھاجس میں ایم کیوایم کے کئی کارکنان شہیداورزخمی ہوئے تھے اورآج کراچی کے علاقے برنس روڈ میں ایم کیوایم کے سیکٹر اورالیکشن آفس کو نشانہ بنایاگیاہے جس سے ایم کیوایم کے کئی کارکن اورہمدردزخمی ہوئے ہیں ۔ جناب الطا ف حسین نے کہاکہ دھماکے کی شدیدالفاظ میں مذمت کرتے ہوئے کہاکہ دہشت گردعناصر چاہے کتنے ہی حملے کریں، ہمارے حوصلے پست نہیں ہونگے ، دہشت گردوں کاگولہ بارود ختم ہوسکتاہے لیکن ہمارے جذبے اورحوصلے ختم نہیں ہوں گے اورہم ہمت وحوصلے سے تمام ترآزمائشوں کامقابلہ کرینگے ۔ جناب الطاف حسین نے دھماکے میں زخمی ہونے والے کارکنوں اورہمدردوں سے دلی ہمدردی کااظہارکیااورانکی جلدصحتیابی کی دعاکی ۔