حیدرآباد اور کراچی میں حق پرست امیدوار فخر الاسلام ، ندیم اجمیری ، منظور احمد ، کراچی میں 17سے زائد ایم کیوایم کے کارکنان اور دیگر جماعتوں کے عہدیداران کی شہادت پر الطاف حسین کی تعزیت اور دعائے مغفرت
حیدرآباد۔۔۔یکم، مئی 2013ء
متحدہ قومی موومنٹ کے قائد جناب الطاف حسین نے حیدرآباد میں حق پرست امیدوار فخر الاسلام شہید ، کارکنان ندیم اجمیری شہید، منظور احمد شہید اور کراچی میں تواتر کے ساتھ شہید ہونے والے 17سے زائد کارکنان کے لواحقین سے دلی تعزیت وہمدردی کااظہار کیا ہے اوراللہ تعالیٰ کے حضور ان کے بلند درجات کیلئے دعا کی ہے ۔وہ بدھ کے روز پکا قلعہ گراؤنڈ حیدرآباد میں ایم کیوایم کے انتخابی جلسہ عام سے خطاب کررہے تھے ۔ جناب الطاف حسین نے دہشت گردی ، بم دھماکوں میں شہید ہونے والے دیگر جماعتوں کے ذمہ داران و کارکنان کے لواحقین سے بھی دلی تعزیت کی اور شہداء کی مغفرت کیلئے دعا بھی کی ۔