اوکاڑہ میں اے آر وائی کے نمائندے الفت مغل پر مسلم لیگ ن کے کارکنوں کا بہیمانہ تشدد قابل مذمت ہے۔ الطاف حسین
تشدد کا واقعہ کھلی غنڈہ گردی اور صحافیوں کو ان کے پیشہ وارانہ فرائض کی ادائیگی میں رکاوٹیں ڈالنے اور ان پر قدغن لگانے کی کوشش ہے۔ الطاف حسین
الفت مغل پر تشدد میں ملوث افراد کو فی الفور گرفتار کیا جائے۔ الطاف حسین
لندن ۔۔۔ 29 اپریل 2013ء
متحدہ قومی موومنٹ کے قائدجناب الطا ف حسین نے پنجاب کے شہر اوکاڑہ میں اے آروائی کے نمائندے الفت مغل پر مسلم لیگ ن کے کارکنوں کے بہیمانہ تشدد کی شدیدمذمت کی ہے۔ اپنے بیان میں انہوں نے کہاکہ جس طرح الفت مغل پر بہیمانہ تشدد کیا گیا ہے وہ کھلی غنڈہ گردی اور صحافیوں کوان کے پیشہ وارانہ فرائض کی ادائیگی میں رکاوٹیں ڈالنے اوران پر قدغن لگانے کا بدترین واقعہ ہے جس کی جتنی بھی مذمت کی جائے کم ہے ۔ جناب الطاف حسین نے پنجاب کی نگراں حکومت سے مطالبہ کیاکہ الفت مغل پر تشددمیں ملوث افراد کوفی الفورگرفتارکیاجائے اورصحافی برادری کومسلم لیگ کے غنڈوں سے تحفظ فراہم کیاجائے۔جناب الطاف حسین نے الفت مغل سے دلی ہمدردی اوریکجہتی کااظہارکیا۔