شدت پسند جماعتیں کوئی بھی لبادہ اوڑھ کر آئیں انہیں ووٹ نہ دیں، الطاف حسین کی پنجاب کے نوجوانوں اور طلبہ سے درخواست

نوابشاہ ۔۔۔27، اپریل 2013ء

ایم کیوایم کے قائد جناب الطاف حسین نے صوبہ پنجاب کے نوجوانوں اور طلبہ کو دعوت دیتے ہوئے کہا ہے کہ وہ ایسے عناصر کو ووٹ نہ دیں جوشدت پسندوں کی بالواسطہ یا بلا واسطہ حمایت کرتے ہوں ۔ نواب شاہ کے میونسپل اسکول گراؤنڈ میں فقیدالمثال جلسہ عام کے شرکاء سے اپنے خطاب میں انہوں نے کہاکہ بعض نام نہاد افراد مختلف طریقوں سے شدت پسندوں کے عمل کو صحیح ثابت کرنے کیلئے دلائل دیتے ہیں اور ایسے نوسر بازوں ، چال بازوں اور مکاروں سے خدارا پنجاب کے نوجوان اور طلبہ ہوشیار رہیں اور اور عقل سے سوچتے ہوئے ان کو ووٹ دیکر خدارا باقی ماندہ پاکستان کا نقصان نہ کریں ۔ انہوں نے اللہ اور رسولؐ کا واسطہ دیتے ہوئے کہا کہ انتہاء پسند جماعتیں کوئی بھی لبادہ اوڑھ کر آئیں انہیں ووٹ نہ دیاجائے ۔