کنٹونمنٹ کے الیکشن میں حیدرآباد سے ایم کیوایم کے دو امیدواروںیاسین ملک اور عبدالعزیزکے بلامقابلہ منتخب ہونےپر قائدتحریک الطا ف حسین کی ایم کیوایم کے کارکنوں اورحیدرآبادکے حق پرست عوام کومبارکباد

لندن ۔۔۔ 11 اپریل 2015ء

متحدہ قومی موومنٹ کے قائدجناب الطاف حسین نے کنٹونمنٹ کے الیکشن میں حیدرآبادکنٹونمنٹ وارڈ 3 سے ایم کیوایم کے امیدواریاسین ملک اور وارڈ 8 سے ایم کیوایم کے امیدوار عبدالعزیزکے بلامقابلہ منتخب ہونے پر ایم کیوایم کے کارکنوں اورحق پرست عوام کومبارکبادپیش کی ہے ۔اپنے ایک بیان میں جناب الطاف حسین نے کہاکہ کنٹونمنٹ کے الیکشن میں حیدرآبادسے ایم کیوایم کے دوامیدواروں کی بلامقابلہ کامیابی ایم کیوایم پر حق پرست عوام کے اعتماد کامظہرہے ۔ انشاء اللہ عام انتخابات کی طرح کنٹونمنٹ کے الیکشن میں بھی ایم کیوایم کے امیدواربھاری اکثریت سے کامیاب ہوں گے۔جناب الطاف حسین نے دوامیدواروں کی بلامقابلہ کامیابی پرحیدرآبادزون کے کارکنوں اورشہرکے عوام کودل کی گہرائیوں سے مبارکبادپیش کی ۔
English