Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیوایم کے قائد الطاف حسین کی تحریک انصاف کو ایک مرتبہ پھر جناح گراؤنڈ میں جلسہ کرنے کی دعوت


ایم کیوایم کے قائد الطاف حسین کی تحریک انصاف کو ایک مرتبہ پھر جناح گراؤنڈ میں جلسہ کرنے کی دعوت
 Posted on: 4/10/2015
ایم کیوایم کے قائد الطاف حسین کی تحریک انصاف کو ایک مرتبہ پھر جناح گراؤنڈ میں جلسہ کرنے کی دعوت
پی ٹی آئی اگر شاہراہ پاکستان پر جلسہ کرے تو اس کے سلسلے میں بھی غیر مشروط تعاون کیلئے تیار ہیں
12 اپریل کو فیڈرل بی ایریا میں جماعت اسلامی کے جلسہ عام کا خیرمقدم کرتے ہیں۔ الطاف حسین
آئیے ماضی کی تلخیوں کو فراموش کرکے محبتوں اور چاہتوں کے نئے دور کا آغاز کرتے ہیں۔ قائدتحریک الطاف حسین کا تحریک انصاف اور جماعت اسلامی کو پیغام
ہمیں پاکستان میں پیار، امن و محبت، بھائی چارے، یکجہتی، برداشت، رواداری کے جذبے کوفروغ دینا چاہیے اور جیو اور جینے دو کی پالیسی کو اختیار کرنا چاہیے۔ الطاف حسین
عمران خان اور ریحام بھابھی کیلئے ہم نے جو تحائف لئے ہیں وہ ان کی امانت ہیں. ٹی وی چینلز سے اظہار خیال
لندن۔۔۔ 9 اپریل 2015ء
متحدہ قومی موومنٹ کے قائدجناب الطا ف حسین نے تحریک انصاف کوایک مرتبہ پھر جناح گراؤنڈمیں جلسہ منعقدکرنے کی دعوت دی ہے اورپی ٹی آئی کی قیاد ت سے کہاہے کہ اگروہ شاہراہ پاکستان پر بھی جلسہ کررہے ہیں تواس کے سلسلے میں بھی ہم غیرمشروط تعاون کے لئے تیارہیں۔ انہوں نے یہ بات جمعرات کی شب ٹی وی چینلز پر اظہارخیال کرتے ہوئے کہی۔ جناب الطاف حسین نے12 اپریل کوفیڈرل بی ایریامیں جماعت اسلامی کے جلسہ عام کے انعقاد کابھی خیرمقدم کیااوراس جلسہ پر جماعت اسلامی کو خوش آمدیدکہا۔ انہوں نے کارکنوں سے بھی کہاکہ اگروہ تنقیداوراعتراضات سننے اوربرداشت کرنے کاحوصلہ رکھتے ہیں توشوق سے جماعت اسلامی کے جلسہ میں شرکت کریں۔ جناب الطا ف حسین نے کہاکہ ہم نے خلوص نیت سے آج تحریک انصاف کے سربراہ عمران خان اور ان کی اہلیہ ریحام خان بھابھی اوران کے احباب کوجناح گراؤنڈمدعوکیاتھا۔ میں کل رات بھررابطہ کمیٹی کے ساتھ عمران خان بھائی اورریحام بھابھی کے استقبال کی تیاریوں کے انتظامات کراتارہا۔ ہم نے ان کے استقبال کیلئے پھولوں کی پتیاں رکھی تھیں اوران کی تواضع کیلئے حلیم اورمختلف ڈشوں کا انتظام کیاتھا۔اس کے علاوہ ریحام بھابھی کیلئے سونے کاسیٹ اورعمران بھائی کیلئے سوٹ کاکپڑا لیکررکھا تھا۔ ہمارے ساتھی رات بھر اور صبح تک تیاریوں میں مصروف رہے ۔ آج جب عمران خان کے ساتھ ان کے احباب آئے توان پر پھولوں کی پتیاں نچھاور کیں لیکن عمران خان کی انتظامیہ کے ساتھ کوئی بات ہوئی اوروہ اچانک واپس چلے گئے ۔ انہوں نے کہاکہ تمام سیاسی جلسے جلوسوں میں چھوٹا موٹا واقعہ ہوجاتاہے تواس کواناکامسئلہ نہیں بناناچاہیے۔انہوں نے کہاکہ میں تحریک انصاف کوجناح گراؤنڈمیں جلسہ کرنے کی دوبارہ دعوت دیتاہوں اوراگروہ اب جناح گراؤنڈکے بجائے شاہراہ پاکستان پر جلسہ کرناچاہتے ہیں تومیں اسکے انعقاد کیلئے بھی غیرمشروط طورپراپنے تجربہ کارساتھیوں کی خدمات پیش کش کرتاہوں۔ جناب الطا ف حسین نے تحریک انصاف اورجماعت اسلامی کومخاطب کرتے ہوئے کہا کہ ماضی میں جوکچھ بھی ہواہم اسے بھول کراورماضی کی تلخیوں کوفراموش کرکے محبتوں اور چاہتوں کے نئے دور کا آغاز کرتے ہیں۔ ہمیں پاکستان میں پیار، امن ومحبت، بھائی چارے، یکجہتی،برداشت،رواداری کے جذبے کوفروغ دینا چاہیے اورجیو اورجینے دوکی پالیسی کو اختیارکرناچاہیے، ایک دوسرے کااحترام کرناچاہیے ۔جس طرح ایک باغ میں مختلف رنگوں اور قسموں کے پھول ہوتے ہیں اسی طر ح مختلف سیاسی نظریات رکھنے والی جماعتیں اس ملک کے پھول ہیں اورکسی ایک پھول کے اضافے سے باغ کوکوئی نقصان نہیں پہنچتا۔ ایک سوال کے جواب میں جناب الطا ف حسین نے کہاکہ عمران خان اورریحام بھابھی کیلئے ہم نے جوتحائف لئے ہیں وہ ان کی امانت ہیں اوررابطہ کمیٹی عمران بھائی سے رابطہ کرکے معلوم کرلے گی کہ آیاوہ تحائف انہیں لاہورجاکردیں یاان کی کراچی آمدپر انہیں پیش کریں۔ انہوں نے دعاکی کہ اللہ تعالیٰ امن اورافہام وتفہیم کی فضاء برقراررکھے اورتحریک انصاف ،جماعت اسلامی کے جلسوں کوکامیاب کرے اورامن وبھائی چارے کی فضاء فروغ پائے۔ 

12/3/2016 5:51:22 PM