ایم کیوایم کے ملک بھر سے نامزد امیدواران میں سے کوئی بھی موروثی سیاست سے تعلق نہیں رکھتا

کراچی ۔۔۔20، اپریل 2013ء 

متحدہ قومی موومنٹ کے زیر اہتمام عام انتخابات 2013ء کیلئے ملک بھر سے نامزد امیدواروں کے حتمی ناموں کے اعلان کے سلسلے میں لال قلعہ گراؤنڈ عزیز آباد میں منعقدہ اجلاس میں امیدواروں کیلئے علیحدہ انکلوژر بنایا گیا تھا جو عملی طور پر منی پاکستان کی عکاسی کررہا تھا ۔ انکلوژر میں صوبہ سندھ ، پنجاب ، بلوچستان اور خیبر پختونخوا کے امیدواران اپنے ثقافتی لباس میں زیب تن کرکے بیٹھے ہوئے تھے جس کے باعث پنڈال میں قومی یکجہتی اوراتحاد کا بے مثال مظاہرہ دیکھنے میں آیا ۔ واضح رہے کہ ایم کیوایم نے عام انتخابات 2013ء میں نامزد امیدواران میں کوئی بھی موروثی سیاست سے تعلق نہیں رکھتا نہ ہی ایم کیوایم نے ان سے انتخابی ٹکٹ کی مد میں کوئی رقم لی ہے۔