محمد فیصل کو آہوں اور سسکیوں کے درمیان شہداء قبرستان عزیز آباد میں سپرد خاک کردیا گیا
شہید کی نماز جنازہ اور تدفین میں ایم کیوایم کی رابطہ کمیٹی کے اراکین،سابق حق پرست اراکین اسمبلی،حق پرست نامزد
اُمیدوار ان سمیت علاقائی سیکٹر و یونٹ کمیٹیوں کے ذمہ داران و کارکنا ن کے علاوہ عزیز اقارب کی شرکت
کراچی: ۔۔۔19، اپریل 2013ء
تصاویر
گزشتہ روز مسلح دہشت گردوں کی فائرنگ سے شہید ہونے والے ایم کیوایم محمود آباد سیکٹر UC-5کے جوائنٹ یونٹ انچارج محمد فیصل کو آہوں اور سسکیوں کے درمیان شہداء قبرستان عزیز آباد میں سپرد خاک کردیا گیا ۔ شہید کی نماز جنازہ محمود آباد نمبر 3میں واقع جامع مسجد حنفیہ میں ادا کی گئی ۔ نماز جنازہ اور تدفین میں ایم کیوایم کی راابطہ کمیٹی کے اراکین رضاہارون ، ڈاکٹر صغیر احمد ، واسع جلیل ، سابق حق پرست رکن قومی اسمبلی وسیم اختر ،الیکشن 2013ء کے نامزد حق پرست اُمیدواران رؤف صدیقی ،علی رضا عابدی، ایم کیوایم کراچی تنظیمی کمیٹی کے اراکین ، محمود آباد سیکٹر کمیٹی کے ارکان ، یونٹوں کے ذمہ داران، کارکنان ، ہمدردوں اور شہید کے عزیز واقارب نے بڑی تعداد میں شرکت کی ۔ دریں اثناء محمد فیصل شہید کا سوئم مورخہ 21، اپریل 2013بروز اتوار بعد نماز ظہر تا عصر جامع مسجد حنفیہ محمود آباد نمبر 4 میں ہوگا جس میں شہید کی روح کے ایصال ثواب کیلئے قرآن خوانی وفاتحہ خوانی کی جائے گی ۔