متحدہ قومی موومنٹ لیاقت آبادسیکٹر کے سینئرکارکن عارف اللہ شہیدکو شہداء قبرستان عزیزآبادمیں سپرد خاک کردیاگیا

کراچی:۔۔۔18 اپریل 2013ء 

متحدہ قومی موومنٹ لیاقت آبادسیکٹر یونٹ 161کے سینئرکارکن عارف اللہ شہیدکو ہزاروں سوگواران کی آہوں اورسسکیوں کے درمیان عزیزآبادکے شہداء قبرستان میں سپردخاک کردیاگیا۔عارف اللہ شہید کی نمازجنازہ بعدنمازظہرجامعہ مسجدنورالحرم لیاقت آبادسندھ ہوٹل میں اداکی گئی ،نمازجنازہ اورتدفین میں ایم کیوایم کی رابطہ کمیٹی کے ارکان سیدشاکرعلی،سلیم تاجک، سابق اراکین اسمبلی،کراچی تنظیمی کمیٹی کے انچارج واراکین، لیاقت آبادسیکٹرکمیٹی اوریونٹ کمیٹیوں کے ذمہ داران،کارکنان،ایم کیوایم کے ہمدردوں اورشہیدکے عزیز و اقارب نے بڑی تعدادمیں شرکت کی اورعارف اللہ شہیدکی مغفرت ان کے درجات کی بلندی اورسوگواران کے صبرجمیل کیلئے دعائیں کیں۔اس سے قبل جب شہیدکاجسدخاکی ان کی رہائشگاہ لیجایاگیاتو کہرام مچ گیا، عارف اللہ شہیدکی بیوہ،بچیاں،بیٹا،بہنیں،بھائی اور دیگر عزیزواقارب شہید کا جسدخاکی دیکھ کرشدت غم سے نڈھال ہوگئے ، اس موقع پرانتہائی رقت آمیزمناظردیکھنے میںآئے جہاں ہرآنکھ شدت غم سے اشکبار تھی علاقے میں سوگ کاعالم تھا۔ شہیدکے پسماندگان میں بیوہ، دو بیٹیاں اورایک بیٹاشامل ہیں۔