ایم کیوایم کے وفد کی رابطہ کمیٹی کے رکن سیف یار خان کے ہمراہ صاحبزادہ فضل کریم کی نماز اور تدفین میں شرکت

فیصل آباد ۔۔۔16، اپریل 2013ء 

متحدہ قومی موومنٹ کے نمائندہ وفد نے قائد تحریک جناب الطاف حسین کی خصوصی ہدایت پر سنی اتحاد کونسل کے سربراہ صاحبزادہ فضل کریم کی نمازِ جنازہ اور تدفین میں شرکت کی۔ صاحبزادہ فضل کریم مرحوم کی نما زجنازہ دھوبی گھاٹ فیصل آباد میں ادا کی گئی جبکہ تدفین فیصل آباد کے جھنگ بازار میں واقع دربار حضرت محدث علی ثانیؒ کے احاطے میں عمل میں لائی گئی ۔ ایم کیوایم کے وفد میں رابطہ کمیٹی کے رکن سیف یار خان ، اپر پنجاب کے صدر میاں عتیق ، وسطی پنجاب کے سیکریٹری جنرل ملک وسیم کھوکھر ، لاہور ڈسٹرکٹ کے صدر عامر سجاد خان لودھی ، محمد عامر بلوچ ، منور حفیظ شاہد اور ضلع فیصل آباد کے عہدیداران و کارکنان شامل تھے ۔ اس موقع پر ایم کیوایم کی رابطہ کمیٹی کے رکن سیف یار خان اور وفد کے اراکین صاحبزادہ حامد رضا سے ملاقات کی اور ان کے والد صاحبزادہ فضل کریم کے انتقال پر قائد تحریک جناب الطاف حسین کی جانب سے دلی تعزیت وہمدردی کااظہار کیا ۔ انہوں نے صاحبزادہ فضل کریم مرحوم کے بلند درجات اور لواحقین کیلئے صبر کی دعا بھی کی ۔