ایم کیوایم کے قائد جناب الطاف حسین کے والد نذیر حسین مرحوم کی 48ویں برسی ملک بھر میں عقیدت و احترام سے منائی گئی
نذیر حسین مرحوم کی برسی کے سلسلے میں صوبہ سندھ ،پنجاب ، بلوچستان، خیبرپختونخوا ، گلگت بلتستان اور آزاد کشمیر میں ایم کیوایم کے دفاتر پر قرآن خوانی وفاتحہ خوانی کے اجتماعات منعقد ہوئے
برسی کا مرکزی اجتماع ایم کیوایم کے مرکز نائن زیرو سے متصل لال قلعہ گراؤنڈ عزیز آباد میں ہوا
رابطہ کمیٹی ، حق پرست اراکین اسمبلی ،ونگز و شعبہ کے اراکین ، سیکٹر ویونٹوں کے ذمہ داران و کارکنان کی ہزاروں کی تعداد میں شرکت
متحدہ قومی موومنٹ کے بانی و قائد جناب الطا ف حسین کے والد محترم نذیر حسین مرحوم کی 48ویں برسی آج ملک بھر میں عقیدت و احترام کے ساتھ منائی گئی۔ برسی کے سلسلے میں صوبہ سندھ ،پنجاب ، بلوچستان، خیبرپختونخوا ، گلگت بلتستان اور آزاد کشمیر میں ایم کیوایم کے دفاتر پر قرآن خوانی وفاتحہ خوانی کے اجتماعات منعقد ہوئے۔ اس سلسلے کامرکزی اجتماع ایم کیوایم کے مرکز نائن زیرو سے متصل لال قلعہ گراؤنڈ عزیز آباد میں ہوا جس میں نذیر حسین مرحوم کی روح کے ایصال ثواب کیلئے قرآن خوانی و فاتحہ خوانی کی گئی اور مرحوم کو زبردست خراج عقیدت پیش کیا گیا ۔ برسی کے اجتماع میں جناب الطا ف حسین کی 68سالا ہمشیرہ محترمہ سائرہ خاتون ، ایم کیوایم کی رابطہ کمیٹی کے جوائنٹ انچارجز کہف الوریٰ،، ڈاکٹر نصرت شوکت ، اراکین رابطہ کمیٹی ڈاکٹر خالد مقبول صدیقی ، کنور نوید جمیل ، فاروق ستار ، اسلم خان آفریدی ،عبد الحسیب،حق پرست ارکان قومی وصوبائی اسمبلی ، ایم کیوایم کے مختلف ونگز و شعبہ جات کے اراکین ، سیکٹر کمیٹیوں کے انچارجز و اراکین ، یونٹوں کے ذمہ داران و کارکنان، ہمدردوں اور خواتین کی ایک بڑی تعداد نے شرکت کی ۔بعدازاں مولانا تنویر الحق تھانوی نے اجتماعی دعا کرائی جس میں نذیر حسین مرحوم سمیت حق پرست شہداء بالخصوص گزشتہ روز شہید ہونیوالے جواں سال کارکن سید وقاص علی شاہ کے بلند درجات ، لواحقین کیلئے صبر جمیل ، اسیر کارکنان کی جلد رہائی ، ان کے بلند حوصلوں ،حق پرستانہ جدوجہد کی کامیابی ، ایم کیوایم کے خلاف سازشوں اور ملک سے دہشت گردی کے خاتمے ملک میں امن و امان کے قیام کے علاوہ قائد تحریک جناب الطاف حسین کی درازی عمر ، صحت وتندرستی اور ناگہانی آفات سے بچاؤ کیلئے خصوصی دعا کی گئی۔