سنی اتحاد کونسل کے سربراہ صاحبزادہ فضل کریم کے انتقال پر الطاف حسین کااظہار افسوس ۔
مرحوم مذہبی رواداری، فرقہ وارانہ ہم آہنگی کے قیام اور دہشت گردی کے عفریت کے خاتمہ کیلئے ہمیشہ کوشاں رہے ۔
صاحبزادہ فضل کریم کے انتقال پر سوگوار لواحقین، سنی اتحاد کونسل کے رہنماؤں و کارکنوں سے الطاف حسین کی دلی تعزیت و ہمدردی کا اظہار
لندن۔۔۔15، اپریل 2013ء
متحدہ قومی موومنٹ کے قائد جناب الطاف حسین نے سنی اتحاد کونسل کے سربراہ صاحبزادہ فضل کریم کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں انہوں نے مرحوم کے تمام سوگواران ، سنی اتحاد کونسل کے رہنماؤں اور کارکنوں سے دلی تعزیت وہمدردی کااظہا رکرتے ہوئے انہیں صبر کی تلقین کی ۔ جناب الطاف حسین نے کہا کہ صاحبزادہ فضل کریم مرحوم مذہبی رواداری ، فرقہ وارانہ ہم آہنگی کے قیام اور دہشت گردی کے عفریت کے خاتمہ کیلئے ہمیشہ کوشاں رہے اور ان خدمات پر مرحوم کو جتنا خراج عقیدت پیش کیاجائے کم ہے ۔ انہوں نے مزید کہا دکھ کی اس گھڑی میں مجھ سمیت ایم کیوایم کے تمام کارکنان صاحبزادہ فضل کریم کے سوگوار لواحقین ، سنی اتحاد کونسل کے رہنماؤں اور کارکنوں کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو صبرجمیل عطا کرے۔ (آمین)