ایم کیوا یم کی لیگل ایڈ کمیٹی کے سینئر رکن سید علی حسنین شاہ بخاری کو وادی حسین قبرستان میں سپرد خاک کر دیا گیا

کراچی۔۔۔۔4فروری2015ء

ایم کیوا یم کی لیگل ایڈ کمیٹی اور متحدہ لائرز فورم کے سینئر رکن سید علی حسنین شاہ بخاری کو آہوں اور سسکیوں کے درمیان وادئ حسین قبرستان میں سپرد خاک کر دیا گیا۔ شہید علی حسنین شاہ بخاری کی نماز جنازہ خیر العمل مسجد انچولی اور فاروقی پارک کورنگی ڈیڑھ میں علیحدہ علیحدہ ادا کی گئی جس میں رابطہ کمیٹی کے رکن عارف خان ایڈوکیٹ ،گلفراز خان خٹک ،حق پرست ارکان صوبائی اسمبلی رؤف صدیقی ، شیراز وحید ، خالد افتخار ، معین عامرپیرزادہ ، کراچی بار کے صدر نعیم قریشی ، ایم کیوا یم لیگل ایڈکمیٹی کے مرکزی ارکان خالد عمر ، نعیم سمیت لیگل ایڈکمیٹی سے تعلق رکھنے والے وکلاء کی بڑی تعداد نے شرکت کی ۔ اس موقع پر رابطہ کمیٹی اراکین اور ایم کیو ایم لیگل ایڈ کمیٹی کے ذمہ داران نے شہید کے اہل خانہ سے ملاقات کرکے انہیں جناب الطاف حسین کی جانب سے تعزیت و ہمدردی کا پیغام پہنچایااور لواحقین کے صبر جمیل کیلئے دعا کی ۔