پنجاب اسمبلی کے باہر نابینا افراد کی جانب سے مطالبات کے حق میں کئے جانے والے احتجاج کا نوٹس لیا جائے اور انہیں ملازمتوں پر فوری مستقل کیا جائے ۔حق پرست اراکین قومی اسمبلی

کراچی۔۔۔2مارچ2015ء

متحدہ قومی موومنٹ کے حق پرست اراکین قومی اسمبلی نے اپنے مشترکہ بیان میں کہا ہے کہ پنجاب اسمبلی کے باہر نابینا افراد کی جانب سے اپنے مطالبات کے حق میں کئے جانے والے احتجاج کا نوٹس لیا جائے اور ان کے جائز مطالبات فی ا لفور مان لئے جائیں۔حق پرست اراکین قومی اسمبلی نے کہا کہ پنجاب حکومت کی جانب سے نابینا افراد کے ساتھ سختی کا عمل درست فیصلہ نہیں لہٰذا ایسے کسی بھی عمل سے گریز کیا جائے جس سے نابینا افراد کو کوئی مشکلات درپیش آئیں۔ انہوں نے کہا کہ پنجاب پولیس کی جانب سے پہلے بھی اپنے حق کے لئے کئے جانے والے مظاہرے کے دوران نابینا افراد کو تشدد کا نشانہ بنایا گیا تھا اسکے باوجود آج پنجاب حکومت کے ترجمان کی جانب سے دیا جانے والا بیان نا مناسب ہے ۔حق پرست اراکین قومی اسمبلی نے کہا کہ خصوصی افرا د ہمارے معاشرے کا اہم حصہ ہیں انکے مسائل حکومت کی بنیادی اور اولین ترجیحات میں شامل ہونی چاہئیں۔حق پرست اراکین قومی اسمبلی نے وزیر اعظم پاکستان میاں محمد نواز شریف اوروزیر اعلیٰ پنجاب میاں محمد شہباز شریف سے مطالبہ کیا کہ وہ نابینا افراد کے مطالبات فوری مان کر انہیں انکی ملازمتوں پرمستقل کرادیا جائے تاکہ وہ بھی مہنگائی کے اس دور میں اپنی بنیادی سہولیات سے محروم نہ رہ سکیں۔