ایم کیو ایم کے رہنما اور انتخابی امیدوار سردار نبیل گبول کی حفاظت پر معمور فرنٹیئر کانسٹیبلری اہلکار واپس لئے جانے پر رابطہ کمیٹی کا اظہار تشویش

کراچی :۔۔۔13،اپریل 2013ء 

متحدہ قومی موومنٹ کی رابطہ کمیٹی نے ایم کیوایم کے رہنماء اورعام انتخابات برائے 2013ء میں ایم کیو ایم کے نامزد کردہ امیدوار اور سابق رکن قومی اسمبلی سردار نبیل گبول کی حفاظت پر معمور فرنٹیئر کانسٹیبلری اہلکار واپس لئے جانے کی خبروں پر سخت تشویش کا اظہار کیا ہے۔ اپنے ایک بیان میں رابطہ کمیٹی نے کہا کہ گزشتہ دنوں وفاقی وزارت داخلہ نے ایک خط کے ذریعے سردار نبیل گبول کی جان کو خطرات لاحق ہونے کی خدشات ظاہر کرتے ہوئے انہیں اپنی سیکورٹی مزید سخت کرنے کا لکھا ہے، مذکورہ خط کی نقول آئی جی سندھ پولیس اور ایف سی کو بھی ارسال کی جاچکی ہیں، مگر بجائے ان کی سیکورٹی مزید بہتر بنانے کے ، ان کی حفاظت پر تعینات فرنیئڑ کانسٹیبلری اہلکار بھی ان سے واپس لے لئے گئے ہیں۔ رابطہ کمیٹی نے نگران وفاقی وزیر داخلہ ملک حبیب سے پرزور مطالبہ کیا ہے کہ سردار نبیل گبول سمیت تمام انتخابی امیدواران کی سیکورٹی کو یقینی بنایا جائے تاکہ امیدواران کسی بھی قسم کے خطرات سے محفوظ رہتے ہوئے آزادانہ انتخابی سرگرمیوں کو جاری رکھ سکیں۔