ڈاکٹر فاروق ستار کی سربراہی میں ایم کیوایم کے وفد کا جعفریہ ڈیزاسٹر سیل کے مرکزی دفتر کا دورہ،

کراچی :۔۔۔ 9، اپریل 2013ء 

متحد ہ قومی موومنٹ کے ایک وفد نے ڈاکٹر فاروق ستار کی سربراہی میں جعفریہ ڈیزاسٹر سیل کے مرکزی دفتر واقع فیڈرل بی ایریا بلاک نمبر 20کا دورہ کیا ۔ جعفریہ ڈیزاسٹر سیل کے دفتر پر انکی ملاقات جی ڈی سی کے چےئرمین علامہ شہنشاہ حسین نقوی ، جنر ل سیکرٹری ظفر عباس ،وائس چےئر مین عادل نقوی اور پاک محرم ایسوسی ایشن اور خوجہ جماعت کے جنرل سیکرٹری سرور علی سمیت د یگر عہدیداران سے ہوئی ۔اس موقع پر ایم کیوایم اور جے ڈی سی کے فلاحی اور رفاہی کاموں میں ایک دوسرے کے ساتھ مل جل کر آگے بڑھنے پر اتفاق کیا ۔ اس موقع پر ڈاکٹر فاروق ستار نے جی ڈی سی کے رفاہی کاموں اور خاص طورپر سانحہ عباس ٹاؤن کے لواحقین کے لئے انکی انتھک کاوشوں اور محنت اور خدمات پر قائد تحریک جناب الطاف حسین اور ایم کیوایم کی جانب سے شاندار الفاظ میں خراج تحسین پیش کیا اور جی ڈی سی کی جانب سے ایم کیوایم کے وفد کے لئے ظہرانے کا اہتمام کرنے کا شکریہ ادا کیا ۔وفد میں ڈاکٹر فاروق ستار کے ہمراہ حیدر عباس رضوی اور سلطان محمد ذیشان شامل تھے ۔اس موقع پر جی ڈی سی اور ایم کیوایم کے کارکنان کی ایک بڑ ی تعداد بھی موجود تھی ۔