عوام خصوصاً مخیر حضرات ملک میں صحیح معنوں میں تبدیلی کیلئے ایم کیوایم کے الیکشن فنڈ میں دل کھول کر عطیات دیں، الطاف حسین

لندن ۔۔7اپریل 2013ء

متحدہ قومی موومنٹ کے قائد جناب الطاف حسین نے ملک بھر کے عوام خصوصاً مخیرحضرات سے دردمندانہ اپیل کی ہے کہ وہ ملک میں صحیح معنوں میں تبدیلی کیلئے ایم کیوایم کے الیکشن فنڈ میں دل کھول کر عطیات دیں ۔اپنے ایک بیان میں جناب الطاف حسین نے کہا کہ ایم کیوایم غریب متوسط طبقہ سے تعلق رکھنے والی واحد جماعت ہے جس کے تمام اخراجات عوام کے عطیات سے پورے کئے جاتے ہیں جبکہ ایم کیوایم ملک سے جاگیر دارانہ ،وڈیرانہ نظام اور مورثی سیاست کا خاتمہ کرنے اور ایک مثبت حقیقی تبدیلی کیلئے جدو جہد کر رہی ہے اور اس مقصد کے لئے ایم کیوایم کو مالی معاونت کی اشد ضرور ت ہے ۔ جناب الطا ف حسین نے عوام خصوصاً مخیر حضرات سے دردمندانہ اپیل کی کہ وہ اس نیک مقصد کے لئے ایم کیوایم کے الیکشن فنڈ میں زیادہ سے زیادہ عطیات دیں اور ملک میں تبدیلی کے لئے اپنا اہم کر دار ادا کریں ۔